آه يا بلد الغلابة والشقيانين

قلبى واجعنى يا مصريين
مهما نشقى ونتعب بنفضل عايشين مطحونين
حتى العيش بقى عملة نادرة وساعات بنبقى مش لاقيين
طيب والناس المحرومين بيجروا ورا اللقمة ومن الفقر تعبانين
ولا حد شايفهم ولا حد بيسأل هما إزاى عايشين
ولا اتنسوا أو اتمسحوا من سجلات المواطنين
عينى عليكوا يا ولاد بلدى
غرقانين فى الغلب ومستحملين
قلبكم مليان بالهموم وصابرين
يمكن ربنا يفرجها وتتعدل
خلينا كده مستنيين
ربنا يهونها علينا ويعين كل المصريين
ويقضى عل كل المعتدين والطمعانين