نشطاء "فيسبوك وتويتر" يطالبون الحكومة بتوفير بدائل للفحم.. ويسخرون: "يعنى عشان نحل أزمة الكهرباء نعمل أزمة جديدة فى القهاوى.. طيب الناس تشيش إزاى ياحكومة".. ويدعون لوقفة احتجاجية أمام مجلس الدولة

واصل نشطاء عبر مواقع التواصل الاجتماعى "فيسبوك، وتويتر" فى التعبير عن استيائهم من قرار الحكومة لاستخدام الفحم بديلا عن الغاز الطبيعى فى توليد الطاقة الكهربية، مطالبين الحكومة بالعمل وبذل الجهد لتوفير بدائل نظيفة ورخيصة للطاقة، للحد من انقطاع الكهرباء الذى وصفوه بشبه الدائم.
وتبادل النشطاء بعض العبارات المضحكة ساخرين من فكرة الحكومة لاستخدام الفحم، مؤكدين أن جميع الدول النامية تحاول الآن تقليل استخدام الفحم بسبب الأضرار الناجمة عن استخدامه.
وأعرب النشطاء عن استيائهم من فكرة استخدام الفحم لسد العجز فى أزمة الكهرباء، قائلين "ﻓﻰ ﺍﻟﻮﻗﺖ ﺍﻟﻠﻰ ﻣﻌﻈﻢ ﺩﻭﻝ ﺍﻟﻌﺎﻟﻢ ﻫﺠﺮﺕ ﺍﻟﻔﺤﻢ ﺍﺣﻨﺎ ﺑﻨﺮﺟﻌﻠﻪ ﺗﺎﻧﻰ ﻓﻌﻼ ﻣﺼﺮ أﻡ ﺍﻟﺪﻧﻴﺎ ﻭﻫﺘﺒﻘﻰ ﺧﺎﺭﺝ ﺍﻟﺪﻧﻴﺎ"، و"وليه أصلا نستورد فحم واحنا عندنا الغاز الطبيعى متوفر"، و"الدول المحترمة بتتخلص من الفحم وبتحاول تقلله تدريجيا وإحنا عايزين نستورد فحم".
بينما أوضح أحد النشطاء عن حتمية تنظيم بعض الوقفات للتنديد بمساوئ استخدام الفحم، قائلا "كان لازم نروح نقف النهاردة عند مجلس الدولة عشان يبقى فيه ضغط شعبى.. الفيس لوحده مش كفاية".
كما تبادل بعض النشطاء بعض العبارات المضحكة ساخرين من قرار الحكومة لاستخدام الفحم، قائلين "الفحم للشيشة بس"، "طيب الناس تشيش إزاى ياحكومة"، "يعنى عشان نحل أزمة الكهرباء نعمل أزمة جديدة فى القهاوى"، "لا لاستخدام الفحم إلا للشيشة فقط".
وعلى جانب آخر، أعرب بعض النشطاء عن تأييدهم لاستخدام الفحم، قائلين "النشطاء بيقولو إن الفحم ح يأثر على صحة المصريين أنت ماشفتش الصين اللى يعتبر عايشين من ورا الفحم ولا إية"، "كل الدول الأوربية وأمريكا شغالة بالفحم، وأهم حاجة التكنولوجيا المستخدمة اللى بتحافظ على البيئة.. ولابد من تعدد مصادر الطاقة".
بينما رسم بعض النشطاء سيناريو من مخيلاتهم لتوضيح فكرة استخدام الفحم، قائلين "أكيد فى بلاد محترمة عندها احتياطى كبير بس خايفة على شعوبها فهتصدر وتكسب فتبلى بيه مين غير بلاد بايعه شعوبها زينا"، "أمريكا عايزة تخلص من أكبر احتياطى فحم.. يبقى نعمل إية يا ترى خلاص يا باشا احنا نجيبو عندنا".
وطالب النشطاء من الحكومة بالبحث عن مصادر جديدة لتعويض الأزمة والتخلى عن فكرة استخدام الفحم، قائلين "المفروض المسئولين فى مصر يبحثوا عن حلول جدية غير مضرة بدل ما يحاولوا يستغفلوهم جهارا نهارا عن طريق إعلاميين"، "تكمن خطورته فى إنه من حرق الفحم يؤدى إلى إنتاج غاز أول أكسيد الكربون CO الذى يتحد مع هيموجلوبين الدم فيمنع امتصاص الأكسجين ونقله"، "هو مش كفاية الأمراض إلى فى البلد فيرس سى وسرطنات وتلوثات وهم ما يقدر عليه إلا ربنا كمان ها تجيبولنا أمراض من الفحم حرام والله".