بالصور.. نشطاء يسخرون من فوز الداخلية على الأهلى للمرة الثانية.. ويؤكدون: دفاع الأحمر كان رافع يده وبينادى سلمية سلمية.. ويترحمون على جوزيه وتريكة.. وجماهير الزمالك: يانعيش عيشة فل يا نتغلب إحنا الكل

اشتعلت مواقع التواصل الاجتماعى "فيس بوك" و"تويتر"، بالسخرية بعد خسارة النادى الأهلى أمام الداخلية، مساء أمس الاثنين، بهدف نظيف ضمن منافسات الجولة الثالثة عشر من بطولة الدورى الممتاز، وبذلك يكرر الداخلية فوزه على الأهلى للمرة الثانية هذا الموسم.
سادت حالة من السخرية بين النشطاء على الهزيمة التى مُنى بها الأهلى أمام الداخلية، قائلين: "وبعد ما الداخلية كسب الأهلى رايح جاى كلنا أكيد عرفنا ليه الألتراس " UA07" بيهتفوا الداخلية بلطجية"، بعد تكرار هزيمة الأهلى على يد الداخلية مرتين فى بطولة الدورى هيكون فيلم الموسم الداخلية رايح جى".
كما أوضح أحد النشطاء، أن "الداخلية لم تحقق الفوز خلال مشوارها بالدورى سوى فى مباراتين وكان المنافس هو حصالة البطولة الإهلى، مشيراً إلى أنه: "من الطرائف والعجائب الغريبة فى مصر أن الاهلى والزمالك لأول مرة يخسرو فى يوم واحد، إنها لعنة الفراعنة يا سادة".
وعلق النشطاء على الهزيمة قائلين، "من أهم الإنجازات فى عهد المشير عبد الفتاح السيسى أن الأهلى يخسر من الداخلية رايح جاى فى الدورى، وده المعنى الحقيقى لتكافؤ الفرص"، و"محمد يوسف أبوس إيدك كفاية لحد كدا هزائم نسر الأهلى خلاص قرب يطفش من كتر الصدمات".
وأضاف بعض نشطاء القلعة الحمراء: "أنا بشكر اللى حس بيا وقطع النور وخلانى مكملتش الماتش، علشان بجد مش ناقصة حرقة دم، ارحمنى يا محمد يوسف يرحمك الله"، و"أين حقوق الإنسان والمنظمات الدولية فى اللى عملته الداخلية مع الأهلى ده افترى"، و"يعنى الأهلى يخسر والزمالك يخسر وكمان فيفى عبدة امبارح تاخد الأم المثالية، إحنا ملناش قاعدة فى البلد دى".
وتابع بعض النشطاء قائلين: "بيقولك دفاع النادى الأهلى كله كان واقف ورافع إيديه لفوق وبيقولو سلمية سلمية"، و"أنا كنت مؤيد الداخلية وبقول ندعمهم لكن بعد اللى عملوه فى الأهلى النهار ده هقول الداخلية مفترية"، و"يا جدعان هو النور يقطع وقولت ماشى مش هسمع الأهلى وقولت نستحمل، إنما أصحى الاقى الأهلى خسران لا أنا حقا أعترض بقى".
كما أبدى عدد من النشطاء حزنهم على اعتزال النجمين محمد أبو تريكة ومحمد بركات، ورحيل المدير الفنى السابق للنادى مانويل جوزيه، مؤكدين أنه بعد رحيلهم فقدت القلعة الحمراء بريقها وسحرها الكروى.
وفى سياق آخر علق نشطاء القلعة البيضاء على هزيمة الإهلى قائلين: "يانعيش عيشه فل يا نتغلب إحنا الكل"، و"اللى يتغلب لوحده يزور.. والظاهر كلنا كانت نوايانا سودة فى الشماتة