نام محلمشِ

ساب أشعاره فِ عِز حضروها
ساب قلمه وكَراسته ونام
ساب كُل حياته بتفاصيلها
كان عنده فوبيا أحلام !
كان بيخاف مِ الحلم عشان
مش عاوز واقع يِحّنيه
كان بيخاف لَيكون عَشمان
فِ الحلم المرسوم فِ عنيه
كان بيصبر نفسه تملى
بكام كلمة ممكن تراضيه
كان حلمه كبير إنه هيبقى
حاجه كبيرة ويقتدى بيه !
نام واتغطى وحزنه ماليه ..
وغطى معاه كل الحكايات
جُم صحّوه ونادوا عليه ..
صرخوا وقالوا الراجل مات
كان يتمنى يكون محبوب
كان متعشم قبل ما يمشى
بس نصيبه وكان مكتوب
نام وفِ عز النوم محلمشى