المتزوجون فى عيد الحب: خلوا العيد لأصحابه

عيد الحب.. يوم يجتمع فيه المحبون للتعبير عن حبهم، ليس بتقديم الهدايا فقط، وإنما من خلال استماع لكلمة حب رقيقة، ولكن بعد الزواج هل يحتفل المتزوجون بعيد الحب؟ .."اليوم السابع" التقى أزواجا مر على زواجهم فترة طويلة تبدأ من عامين وحتى 20 عاما.
أمل إبراهيم فكرى بعد زواج 10 سنوات و ثلاث أطفال تقول: "عيد الحب ده للمخطوبين كل واحد عايز يعبر عن حبه للتانى،أما إحنا المجوزين فى حاجات كتيرة ضاعت منا، والعيال والمسئولية والبيت، إحنا مش بنفتكر عيد ميلادنا".
وسهير محمود حسن زواج سبع سنوات تؤكد ان زوجها لا يساعدها فى الاحتفال بهذا اليوم فتقول "جوزى على طول بيفكر فى الشغل، حتى لما يرجع بيأكل ويدخل ينام يعنى مفيش حياة، ومش بيفكر أنه يعوضنى عن تعبى فى البيت فى عيد الحب، العيد لأصحابه".
وتختلف معها عدويه احمد إبراهيم لديها أربع أطفال وجواز 17 سنة "ساعات بنحتفل بعيد الحب بس المهم ان يكون جوزى مرتاح معايا يضحك فى وشى، نتكلم نهزر مع بعض يسمعنى وأسمعه كل ده حب، ومش لازم الحب يكون بهدية الكلمة الحلوة ساعات كتيرة بتكون أحلى من أى هدية".
يقول وائل عبد العاطى: " عيد حب فين؟ ده مسئولية البيت والعيال كبيرة قوى وصعبة جدا ادعولنا بس نقدر نفتكر ملامح بعضنا، تصدقى بالله أنا بقعد باليومين مابصش فى وش مراتى من التعب والإرهاق فى الشغل وباجى يدوب آكل وأنام على طول على سيمفونية العيال عايزين وعايزين".
وتختلف معه ميرفت متولى أحمد زواج سنتين "عيد الحب حاجه جملية أنا جوزى عارف إن عيد الحب مهم عندى حتى لو مسافر بيكلمنى أو يبعت رسالة، ولو متخصمين نتصالح وننسى كل حاجه".
لماذا لا يحتفل الكثيرون بعيد الحب
اليوم السابع يحتفل مع قرائه بعيد الحب المصرى
لو أنت "سينجل" هتعمل إيه فى عيد الحب
عشاق يحتفلون بالمفاجآت.. وآخرون تكفيهم كلمة حب.. وفريق يراه "بدعة"
الزهور زى الستات لكل لون معنى ومغنى