دى النهاية

لواحدة كانت دايبة فيك
دى النهاية لواحدة بتقولك أوامرَك
كل حاجة قَدّمتها بخوف عليك
وانت ف الآخر بتخدعها بمشاعرَك
قُولّى يا ظالم حَبيبك خُنته ليه ؟
ليه ما فكرتش ثوانى لحظة فيه
ليه ما خبتهوش ف عينك وتداريه
رغم إنى صاحية نايمة جوه صورتَك
كنت بحلم بيك وسهران جوة منى
قلبى شافك قبل ما تشوفك عيونى
إنتظرتك طول حياتى وحاسة إنى
تايهه وسط ظنون كتيرة فيك خدونى
قُولّى ليه أصبحت ذكرى جوة مِنك
محتجالك مهما قالوا برضُه عَنك
وابقىَ فاكره كل حاجة رغم إنك
كنت قاسى وليه ملامحك حيّرونى
هى مرة سمعت فيها نبض قلبَك
يومها قالى إنى عايشة ليِه وبيه
وابتديت أعشق ف نسمة مارة جنبَك
بس فجأة بِعدت عنى بسرعة ليه
ليك رساله كل يوم قلبى باعِتها
يرسمك غِنوة ف عيونى ومحاوطها
قلبك الجارح تملّى ليه فايتها
هو محتاج إنى أبكى ولا أتحايل عليه
بس حالا قلبى قرر إنه يبعد
قلبى ياما داق كتير مِنك إهانة
عشت طول العمر وياك ليّا تِعّند
قلبى مش قابل خلاص مِنَك خيانة
رغم حبى ورغم إنى ليك وِقعت
انتهيت من بَعد مِنَك وانت ضِعت
هونت بالساهل عَليك ولقلبى بِعت
قلبى حَبك وأنت خاين للأمانة