خَطوة جَدْ

كُنت هَستناك بجَدْ
لو فى يوم إديتنى وعدْ
كنت طول عمرى هعيشلَك
ما التفتش لأى حدْ
عشت طول عمرى بَحبَك
مخلصة دايماً لحُبك
وأنتَ ولا يوم كان يهمّك
عُمر يجرى سنين تِعِّدْ
ياما قلت كتير بحبِك
فرحتى لما أبقى جنبِك
بس ولامرة سِمعتَك
إن فيه ف يوم خطوة جَد
هو قاللى أنا ليكى جيت
يلاّ نبنى حياة وبيت
تفتكر أنا لو رضيت
أبقى بعت هواك وخُنت؟
مش وحش ولا أقل مِنَك
قول كمان إنه أحلى منَّك
جاى دوغرى وجَد عَنَّك
يجرى إيه لو ليه سمعت؟
الحقيقة اللى ف عينيّا
إنه هوّا أولى بيَّا
وإنك أنت لعبت بيَّا
وإن أنا ضَيَّعت وقت
الحياة أيام قَليْلَة
فيها أحلامنا الجميلة
غلطة لوكدة وبسهولة
تتسرق من أى حَد