عمرو الليثى يوجه رسالة إلى أهل مصر المنسيين فى "كل الناس"

يناقش الإعلامى عمرو الليثى فى حلقة اليوم، الخميس، ثانى حلقات برنامجه الإذاعى "كل الناس" الذى يذاع الساعة الواحدة ظهرا على راديو مصر، عدد من القضايا الهامة التى تمس المواطن البسيط حيث يعد برنامج "كل الناس" برنامج توك شو إذاعى يناقش مشاكل الجمهور، ويوجه عمرو الليثى فى بداية حلقة غدا رسالة إلى مستمعى البرنامج يقول فيها "أهل مصر المنسيين الصابرين اللى مش من نجوم السياسة والفن والكورة، لموظفين وفلاحين وعمال ومدرسين وسواقين وركاب، فقراء أو مستورين ونفسهم فى الستر، بيكافحوا طول الوقت لتحسين حياتهم وتربية أولادهم، أحلامهم لقمة وهدمة وسقف، محتاجين يحسوا بالأمن والأمان عندهم أمل فى المستقبل، يا كل الناس إحنا منكم وليكم، وإحنا هنا علشان نسمعكم ونسمع منكم، نعرض شكواكم وأسئلتكم، عارفينكم وشايفينكم وعارفين أن أنتوا الأصل، وأنتوا ملح الأرض، من أسبوع لأسبوع، معاكم، عارفين إن المشاكل ما بتخلصش، ومش دورنا إننا نعكنن عليكم لكن خلينا نفضفض لبعض وندور على طاقة نور تجدد أملنا فى أن بكره يكون أحسن وأفضل. وندور على حلول، وزى ما الناس فى مصر هم الشعب، لازم يشاركوا ويتكلموا ويقدموا حلول، ويعرفوا إن ليهم حقوق مش مجرد انتظار عطايا أو فتات. كل الناس لازم تتكلم، ودور الدولة والحكومة أنها تسمع وتنفذ.
كما تعرض الحلقة تقريرا بعنوان "الناس عاوزة إيه وشايفة إيه ومشاكلها إيه الأسبوع ده"، ويعرض من خلالها الليثى عددا من قرارات الحكومة، ومنها قرار وزير الزراعة بعمل مراجعة يومية لحصر التعديات وعقوبات رادعة تجاه المعتدين على الأراضى الزراعية (والناس بتقول ماهو لوفيه عقوبات رادعة ماكنتش التعديات بقت هى اللى رادعة) واجتماع المجلس الأعلى لحماية نهر النيل برئاسة الدكتور الببلاوى رئيس الوزراء (والناس بتقول كفاية مجلس عليا إحنا عاوزين مجالس تشتغل)، وأيضا قرار يخص الكهرباء"، وهو بدء تشغيل وحدة محطة شمال الجيزة الأولى الأسبوع الجارى (والناس بتقول الكهربا بتقطع كتير هو كل مانعلن عن محولات نقطع باقى المحولات).
ويستعرض الليثى فى الفقرة الرئيسية للبرنامج والتى يناقش فيها مشاكل الصحة عدد من الإحصائيات الهامة عن المرضى فى مصر حيث يقول إن 10% من المصريين مرضى بالتهاب الكبد الوبائى، وبعض الإحصاءات بترتفع بالرقم إلى 12 أو 15% ويعادل 9 ملايين على الأقل، ونفس النسبة 10% مصابين بالفشل الكلوى، ونفس الرقم بالسكر، ومثلهم مرضى بالسرطان و8 ملايين مريض بالقلب، ويموت منهم عدد كبير سنويا بسبب نقص العلاج وقوائم الانتظار ويعرض البرنامج تقرير مع مرضى أمام أحد المستشفيات.
ويتخلل الفقرة مداخلة مع الدكتورة مها الرباط وزيرة الصحة وترد فيها على عدد من الأسئلة منها، ما هى مشكلة المرضى فى مصر وسبب نقص كميات الدواء ومشكلة التأمين الصحى، وأيضا مكالمة مع الدكتورة منى مينا أمين عام نقابة الأطباء، وفى نهاية الحلقة يستعرض عمرو الليثى عدد من رسائل المستمعين عبر البريد الإلكترونى للبرنامج وصفحته الخاصة على الفيس بوك.