بالصور.. أهالى المناطق الشعبية يحتفلون برأس السنة "بالعند فى الإرهاب"

على طريقة "هنحتفل يعنى هنحتفل".. قرر أهالى بعض المناطق الشعبية، أن يحتفوا برأس السنة الميلادية، دون أن تستوقفهم الأحداث الجارية فى البلاد من عمليات إرهابية من قبل الجماعة المحظورة، بل اعتبروا كل هذه الأحداث مجرد صفحة أخيرة من صفحات العام الماضى. مستكملين المشوار بكل تفاؤل بحلول عام 2014 بدون إخوان معتبرين هذا سبب كاف فى حد ذاته لإقامة الاحتفالات، متحدين كل من يريد إزعاجهم، أو ينغص عليهم أعيادهم.
يقول "محمد مسلم" صاحب أكبر المحال التجارية لألعاب الأطفال بمنطقة السيدة زينب" السنة دى فى إقبال كبير جدا من الناس على شرا الألعاب السحرية والزينة وشجر الكريسماس سواء من المسيحيين أو مسلمين، وعلى الرغم من الأحداث اللى خلتنى أقول إن السوق السنة دى هيبقى نايم، إلا إن الإقبال كسر كل التوقعات وزاد أضعاف".
كما تقول "سحر مرش" صاحبة أحد محال الألعاب أيضا فى منطقة مصر القديمة السوق السنة دى مفتوح وفيه كل الأنواع والأشكال مش بس الزينة، إنما كمان الصواريخ والألعاب النارية، اللى بتتباع أكتر فى المناسبات الكبيرة، لكن السنة دى الناس بتحتفل بالكريسماس، مش مجرد احتفال بنهاية السنة، إنما الناس جواها كبت وعايزة تطلعه.
ويضيف "عادل عبد الرحيم" أحد المقبلين على الشراء "أنا عن نفسى عمرى ما احتفلت برأس السنة، لكن زيى زى ناس كتير السنة دى قررنا نحتفل بقى بالعند، مش هم عايزين ينكدوا علينا لا بقى إحنا هنحتفل بأن السنة اللى كان فيها الإخوان بيحكمونا خلاص راحت لحالها ومش هترجع تانى، مهما فجروا ولا قتلوا وخربوا فترة وهتعدى".
كما تقول "ليلى كرم"، إحدى المقبلات على شراء حلويات من أحد المحال بمنطقة "دار السلام"، وسط الانفجارات والعمليات الإرهابية الشعب المصرى لسة قادر يفرح ويحتفل ويحلى، وهناكل تورتة الكريسماس وهنحتفل إخوة مع بعض مسيحى ومسلم مفيش فرق".
اقرأ أيضا
الجيش يدمر مخزن زخيرة بشمال سيناء ويلقى القبض على 10 إرهابيين
عنف «المتوحشات».. والفيديو «ما بيكذبش»
بالفيديو.. سعوديون يوقعون صفقات مع الحكومة ب500 مليون دولار
"علاج السرطان" و"سلاح يهزم طائرة الشبح الأمريكية"..أهم اختراعات الطلاب فى 2013
الاسبان يحتفلون بالكريسماس بالتراشق بالبيض