شجر الكافور

يامصر أنا زى جذور شجر الكافور ليكى
من عشقى لترابك زرعونى كمان فيكى
اميل بفرعى جايز عالجيران حبه
بس جزعى ساكن فيكى بكل محبه
وان فكروا مره
ينقلونى من أرضك!! بجد أموت!!
ولو قالولى
على أحلى بلاد الدنيا حقيقى مافوت
حتى لو حلفوا لى بكل الغالى
دا فرعى لو مال حبه
اشوفه ديما فيك ف العالى
كفايه قوله صباح الفل
من عمى ومن خالى
ومن صابحه حبيبه الكل
الصبح تبوسنى حبيات الندى بوسه
وتقول واحده ليك والتانية لشجرة الكوسة
ويعدى جانبى بياع جميل بخضار
ماسك بايده عربية شاددها حمار
يدعى وينادى
على الرزاق يديله كتير يعطيه
ومن كل ظالم
يترصده بقدرته وبقوته يحميه
ويرجعه لأهله
مجبور برزق كتير يكفيه
وبعد الجمال ده
ينفع أدور على أرض غير أرضى؟؟!!
معقول!!
تفتكروا ممكن أعيش هناك مرضى؟؟!!
مش ممكن!!
ولا هلاقى شهامه بجد؟؟
اشك!!
وماحدش هناك يفكر يطول عرضى؟؟!!
تفتكروا ؟!!
يا عم بلدنا حلوه ندعيلها بالاصلاح
ونزرع فى ارضها قمحتنا والتفاح
ويبعتلنا من عصر الصحابه فارس
راكب على مهره وللفساد هارس
وايده نضيفه
ما نشوفه للحرام
هابش ولا كمان هباش