لتقولى مين بس أهم وطن بيغرق بينا ولا إللى عيشّنا فى هم حا تقولى جابوه بصندوق راح أقولك أصحى وفوق يا ما جابت الصناديق تزوير ومرارة وغم مش كان حا يبيع أراضينا حلايب وجزء فى سينا ويوطن فيها إرهاب عباراته كانت نكتة وخطاباته عقاب وعذاب ده اللى جرى لنا فى سنته عمرنا ما شفناه فى سنين ولسه برضه ياعم شايف مرسى مهم وتنزل فى الميادين تهتف وتقول شرعية! ما هى راحت الشرعية بنزول المصريين وبالشعارات رافعين سنة واحدة وجربناك ولحكمك مش عايزين ولسه برضه ياعم شايف مرسى مهم تشتم وتسب فى جيشك وترفع شعار خيبان نازل ونافش ريشك تتلف فى كل مكان دى كرامة الإنسان فى رفعة الأوطان وأنت بفكر مريض عايز وطنك ينهان حكّم عقلك يا لا يا عم وبوطنك قوم واهتم بلا مرسى بلا وهم وهم