هى عتمة كدة ليه؟

ناس تقول ومقتنعة بما تقول إنها صاحبة الدين وهى التى لم يأتِ الباطل من بين يديها. وهى الأعلم بأصول الدين والفقه دون غيرها.. والأدهى إن فيه ناس مصدقاهم ومأمنين أشد الإيمان أن: كلام الناس ديه قرآن ومقدس.. يادى العتمة هيه عتمة.. ليه..؟
تسمع وتشوف ناس كتير قوى.. يا ساتر ناشط سياسى.. ناشط حقوقى.. ناشط توك شو.. ويهرتلو كل ساعة ومصدقين هرتلتهم ويخبطوا كام خطة على كام قانون ويجب
على الباقى أن يتخذهم لأن هيه ديه رفعة البلد.. والعتمة إن فيه ناس مصدقاهم، يا إخوانا الكلام ده بيكرروه ويعيدوه بس حسب الكلام رايح فين ويقولوا عكسه فى
قعدتهم الخاصة غير كلامهم فى أحزابهم إذا كان فيه أصلا..عتمة قوى..
وفى ناس مصدقة إن محمد مرسى، غفر الله ذنبه، أن رسول الله محمد (صلى الله عليه وسلم )، قدمه فى الصلاة عنه، وأنه، أى محمد مرسى، مبعوث ليخلص الناس من عتمتهم يدخلهم فى عتمه أشد، وأن اللى حصل هو اختبار وابتلاء لمرسى وسوف يرده الله إلى مكانه ويجزيه بإعطائه الكرسى والحكم.
والعتمة قوى.. قوى قوى ناس مصدقة ومآمنة أن اليوم آتٍ لا محالة وفى سبيل ذلك يقتلوا ويخربوا أى إنسان شرطيا أوى عسكريا أو عابر سبيل تواجد فى مكان سيارة مفخخة أو عتماوى شايل إلى بيدرب عتماوى.. المهم يرجع العتماوى الكبير ويقولوا إن المخابرات الحربية هيه إلى قتلت الجنود فى رمضان وهم بيفطر وبعد صيامهم.. علشان يعزلوا مجلس طنطاوى العسكرى.
وإن ال25 شهيدا الذين قتلوا غدرا وخسة كانوا قناصة وهم الذين قتلوا الثوار وأحبت الداخلية والمخابرات بقتلهم يخفوا الأدلة وعشان هؤلاء الجنود ميتكلموش... يادى العتمة وفى ناس بيقسموا بأغلظ الأيمان إنها الحقيقة وده علشان يقضوا على الإسلام والمسلمين وفى سبيل ذلك خانوا وعزلوا المبروك المسنود والآن بيدوروا على العتمنيين المخلصين لعتمتهم إية العتمة ديه يا ساتر.. شوف وأكيد شايف وسامع العتمة التقيلة..
أديك فى السقف.. تمحر.. أديك فى الأرض تفحر.. أديك فى ال جركن تركن..
يادى العتمة السودة... ولا الأفلام شجيع السيما العتماوى بيضرب فى كل حتى
بالسنجة والخرطوش فى نفس واحد وبيهزم الأشرار إلى هم الشرطة.
ومفيش غضاضة لو فى عتموية معاه فى قصه حب عتماوى برضه علشان الحبكة العتماويه أى.. تفتكر واحد زى حضرتك هيتعتمت زيه.. ويخده مثل....
بص حوليك وشوف كم العدد فى كل الأحياء العتماوية أخذته مثل... يادى الوأعة المربربة... شجيع السيما قبل عصر العتماوية أستاذ مأدب خلوق وبرضه بياخد
وبيرجع حق ناسه مثل أحمد فى فيلم السفيرة عزيزة..
اللهم ارفع مقتك وغضبك عنا..
عزيزى القارئ تفتكر الناس المنورين يقدروا يفكوا العتمة ديه.. ادعى معايا وقول
يا رب.