بالفيديو "ليه مايحكومشى" أغنية تؤيد التوريث

قام أحد المطربين الشعبيين يدعى محسن الصياد بتسجيل أغنية لجمال مبارك أمين السياسات بالحزب الوطنى الديمقراطى، وأشار من خلال جروب "شارك" على موقع الفيس بوك إلى أن الأغنية قام بتسجيلها "بالمصادفة" قبل لقاء جمال بشباب الباحثين، مؤكداً أن جميع الأسئلة التى لم يجب عنها جمال مبارك سيجد الشباب إجابتها فى أغنيته، وكلماتها كالتالى:
يا عم مصرى.. ياعم مصرى جمال مبارك أنا بحبه.. وهسمع مهما هسمع برده بحبه.. كلام كتير قولتوه أنه ميحكومشى.. طيب ليه ما يحكومشى.. طيب ليه ما يمسكشى..
طيب ليه ما يحكومشى.. طيب ليه ما يمسكشى.. ده فاهم وابن ريس والموضوع مدروس.. ولا محتاج لسلطة ولا محتاج لفلوس.. سيبك م الأونطة.. سيبك.. سيبك م التهييس.. سيبك.. سيبك م اللى يقولك هياخودها بالتوريث.. سيبك م التهييس..
كل الصاعايدة.. بيحبوا جمال.. والفلاحين.. بيحبوا جمال..
المصريين.. بيحبوا جمال.. المصريين.. بيحبوا جمال
ولا.. ولا.. ولا محتاج لسلطة ولا محتاج لفلوس.. ده باشا وابن باشا والموضوع مدروووس..
جمال مبارك هانتخبوا.. هانتخبوا.. لو رشح نفسه هانتخبوا.. هانتخبواااا.. لو رشح نفسه هانتخبوا.. هانتخبووااا..
99% بيقولوا عايزين جمال.. 99% بيقولوا حابين جمال.. كل الصعايدة.. بيحبوا جمال.. والفلاحين.. بيحبوا جمال.. المصريين.. بيحبوا جمال..
بص بعينك كويس فى ال80 مليون.. طلعلى حد غيره بس يكون مظلوم.. طيب ليه مايحكومشى.. طيب ليه مايمسكشى..
زى ما عاشت فى الأمان عايز عيالى يعيشوه.. إيه يعنى جمال مبارك يجى بعد أبوه..
لو رشح نفسه هانتخبوا.. هانتخبووااا.. جمال مبارك أنا بحبووووا..
لو رشح نفسه هانتخبوا.. هانتخبووااا.. جمال مبارك أنا بحبووووا..
أخبار متعلقة..
دراسة: الفيس بوك ساحة صراع على "جمال مبارك"
"نور" يصف حوار جمال مبارك ب"الهزلى"
جمال مبارك يعترف ب"الفساد" و"مشاكل الأقباط".. ويدافع عن "توشكى" والعلاقات مع أمريكا و"الكوتة" و"قانون الإرهاب".. ويعد بتطوير "البحث العلمى"