تلات غلمان !!

فتحية اتجوزت ........ وجابت تلات غلمان
واحد فلول والتانى إخوان وتالتهم منهم زعلان
أمًا الفلول ده واد أمور..واد يعجبك .. واد عسول
يطلب حاجة .... تيجي علي طوووول
من غير مايفكر ...من غير ما يثور
من غير ما يتعب ...ولا حتي يقول
مش قولتلوكه .... ده واد عسووول
قالوله زمان......وهو طفل صغير
بلدك اوضة كبيرة ..نام يا حبيبي ... البس ..غيًر
اوعي يا قلبي ... في يوم تتحير
الارض أرضنا ...وكله خدام عندنا
اه ابويا اللي قالنا ...الكل خدام عندنا
مش مهم... مين ؟ ...وفين؟... وليه ؟
المهم يا حبيبي انت عايز .....ايه ؟
سرقة ...محسوبية ...كوسة .....وفساااااد
لا متخفش دي شوية.... مصطلحاااات
المهم متطلعش منك انت ...الآهاااات
والشعب عارف ان احنا بس....ولاد الذوات
اه يزعل شوية ويثور شوية ...ويقرفنا بالاحتجاجات
ولما بيهدي بيعرف يامودي ..ان احنا بس ..ولاد البشوات
هي كده شعوب الوديان.......مليانه حب ...مليانه حنان
ما قالها شفيق من زمان .....قالها وهو مش زعلان
أمًا التاني ده واد اخوان......هو كده من زمااااااان
اناشيد..... اشعار.....ثوار .....أحرار
ولما بقوا..... أصحاااب قرار
تخبط ...تردد.....تدهور......دمااار
وضاعت الثورة.....ورجع العار
مش قولتلك أناشيد و أشعار.
لا تتعجب .......ولا تحتااار
التالت بقي .....ما بين الاتنين
زي النملة ....ما بين جبلين
تيجي منين....وتروح فين
ما هما الحاجب ...وهي العين
كله بيكبر .......كله بيعلي
وهي يا عيني ...محلك سر
شاربة الويل ...وشاربة المر
جات الثورة...راحت الثورة
خدوا مكاسبهم...وسابولها الذل
آدي الخلفة .....وآدي العزوة
خلونا وسط الناس.....شيء ولا يسوا
بس الحل ....أكيد قريب
ممكن نعملهم اصلاح وتهذيب..؟؟
بلاش ترد انت يا سعد زغلول....
انت عايزني أعيش .....مشلول ؟؟
أكيد دول بني آدمين ....وفيهم عقول
بتقول ايه.........؟؟
عايزني اجيبلك... بجنيه فول
ماشي يا سيدي ..هاروح علي طول
مانت كنت زعيم ....كبير ومسئول
وأعلم مني بأصحاب العقوووووول
بس برده فرجه....لا يمكن يطول
والهم في يوم.........مسيرة يزول