كلمتين للإخوان

ياترى لو شعب مصر
راضى ومبسوط
من غير مرسى
ومن غيركم
دى حاجة تزعلكم ؟؟؟؟
أومال فين نحمل الخير لكل الناس
ولا هو كلام وشعارات وخلاص
ما يمكن الخير محجوز بسببكم ؟؟؟؟؟؟
ربنا عالم بحالنا وحالكم
ياريت بقى تريحوا
وتشتروا دماغكم
أوعى تكلمنى باسم الدين
الدين برىء منكم
ومن عمايلكم
أنا كنت غلطان
لما كنت بدافع عنكم
أنا أتغيرت لما لاقيت
الكرسى هو اللى
بيحدد مصيركم
ومصلحة البلد
آخر حاجة تيجى على بالكم
أنتم اللى كتبتم بأيديكم
نهايتكم
وكشفتوا نفسكم قدام الدنيا
ومعدش حد بيصدقكم
مع أنى عارف
أن دى أكتر حاجة بتضايقكم
بس صدقونى الناس ما صدقت
أنها خلصت منكم
أقول أيه ربنا يسامحكم
أوعوا تفكروا ان حد تانى هايسمعكم
خلاص الشعب كرهكم
أنا شايف أن انتم ظلمتوا نفسكم
قبل ما يكون حد ظلمكم
ما تكلمنيش عن انقلاب عسكرى
يا مفترى
الشعب اللى قلبكم
الشعب اللى فى سنة كره نفسه
أنه جابكم
صلح غلطته وبيقولكم
لقد نفد رصيدكم
سيبوا الشعب يطهر نفسه
بنفسه من ذنوبكم
بس انتم ما تشغلوش بالكم
وأرجعوا لبيوتكم
وان شاء الله البلد بكرة هايتعدل
حالها من غيركم
بس أنتم ما تخربوش البلد
وما تقتلوش الوطن فى ضميركم
وأوعوا تنسوا أن البلد تقدر تنتقم
لنفسها منكم