أم الدنيا

مصر يا بلدى يا أم الدنيا
مش ممكن أسيبك ولا ثانية
إيد أخويا ف إيدى نعلّى
ولا يمكن مرة نخلى
عدوى ينولها ويشمت فينا
طول ما بنعرف خيرها علينا
مصر دى بلدى. . بلدى دى أمى. . أمى دى أم الدنيا مصر
أحلى ما فيك ترابك نيلك
وإحنا معاك وبيك ف خيرك
نزرع نحصد تحت سماكِ
نفرح نسعد ويا ضياكِ
خيرك ظله بيغطينا
بيلم الشمل يعلينا
مصر دى بلدى. . بلدى دى أمى. . أمى دى أم الدنيا مصر
بنادى بهتف من جوايا
يلا نقدم ليها هدية
يلا نقدم وانت معايا
صحبة حب ووحدة قوية
ننسى خلافنا نخلى هدفنا
نرفع دايما بس رايتها
مصر دى بلدى. . بلدى دى أمى. . مصر دى أمى وتحيا مصر.