حملة على الفيس بوك لمكافحة معاكسات الموبايل

يتعرض الكثير منا للمعاكسات من أرقام غريبة تتصل فإذا كنت عزيزى الشاب تتعرض لمثل هذه المعاكسات التى تقوم بدورها بالتنكيد عليك لأنها تجعل خطك مشغولا غير شعورك "بالقرف" منها، فالحل وجده جروب أنشئ على موقع الفيس بوك الشهير مؤخراً يطلق عليه "الرقم ده بيشتغلنى ممكن تشتغله" فلقد اتضح أن هذا الجروب شعر بمعاناة أغلبية الشباب مع هذه الأرقام الغريبة التى تشتغل وتستلم "البنات عموما" ويبلغ عدد أعضاء هذا الجروب 281 عضوا وأغلبية من يشتكون من معاكسات الموبيلات من الفتيات، لذلك لا تتفاجأ من كم أرقام الموبيلات التى تضعها الفتيات المنضمات لهذا الجروب أملاً فى وجود حل لهن.
"أنا عملت الجروب ده لأن كل واحد فينا بيتعرض للمعاكسات واتصالات بايخة ومزعجة وفى أوقات غريبة
وفى ناس كتير اضطروا أنهم يغيروا أرقام موبيلاتهم إللى كانو بيحبوها جدا ومعاهم من وقت طويل بسبب المعاكسات والاشتغالات "كانت هذه مقدمة للوصف نشاط الجروب" الرقم ده بيشتغلنى ممكن تشتغله؟؟" على موقع الفيس بوك الشهير لتوضيح المحور الذى يدور حوله هذا الجروب.
"أنا لأنى بحب رقمى بجد ومعايا من سنين معتقدش إن حد هيجبرنى إنى أغيره حتى لو كانت اشتغالة استمرت 9 شهور.. هدف الجروب أننا نعرفهم هم بيعملوا إيه فينا لما يجربوه" فهدف الجروب أو المحور الذى يدور حوله الجروب "اشرب يا حلو من إللى بتعملوا" فهم يتخذون مبدأ المعاملة بالمثل الحل الأمثل وعقاب لمن يعاكس ويتعتقد أنك بذلك ستغير رقم موبيلك "علشان تشترى دماغك" ولقد نجح الجروب فى وقف المعاكسات عن بعض الأرقام التى كانت تعاكس أعضاء هذا الجروب بشهادة أعضائه.
وسياسة عمل جروب "الرقم ده بيشتغلنى ممكن تشتغله" مع الأرقام الخنيقة التى "تشتغلك" بأن تضع هذا الرقم على الوول الخاصة بالجروب وتنظر دورك لأن طريقة عمل هذا الجروب تعتمد على الترتيب فلا يمكنك أن تكتب رقم معين يعاكسك وفى اليوم التالى سيتم معاكسته من قبل جميع أعضاء الجروب، ولكن يعتمد مبدا عمل هذا الجرب على "الدور" فعندما يأتى دورك سيتم اشتغالة الرقم الذى يعاكسك والسبب فى وضع الأرقام التى تعاكس بالتريب والدور "علشان الكل يبقى شغال على رقم واحد".
"أى حد فينا فى رقم بيعاكسه أو ميل بيستظرف عليه يحط بس هنا على الوول وكل الجروب يشتغله علشان يحس شويه قد إيه الحركات دى بضايق"، فلم يكتف الجروب بأرقام الموبيلات فقط فمن الواضح أن نشاطاته متعددة فى مجال محاربه المعاكسات فلقد أتاح أيضا إمكانية وضع أى إيميل مزعج "مزهقك" ولا تعرف صاحبه وتترك أعضاء الجروب يتولون مهمه "الغلاسة" عليه.
وإذا أخذتك الحماسة لكتابة رقم موبيل "واحد صاحبك مخنوق منه" وتأمل فى صنع مقلب له فأنصحك بقراءة قانون الجروب وهو الموضوع الواحد الموجود على الديسكشن بورد الخاصه به، حيث يرد به
"بلاش حد يحط أرقام ناس مش بتعاكس علشان أنت نفسك هضايق لو حصلت فيك.. إحنا بنعامل الإنسان اللى بيعاكسك ده بالمثل وهنشتغله شويه علشان يعرف أد إيه الحركات دى بضايق.. وبلاش بليز حد يحط إ
أرقام ناس بحلها "فهذا هو رجاء مؤسسين الجروب لتنظيم نشاطهم فلا تعتقد أن أى رقم يمكن أن تضعه على الوول سوف يستجيب اليه الجروب ويأخذلك حقك منه.