انطلاق حملة "افصلوه" لفصل نادى المحلة عن إدارة الشركة

أطلق عدد من مشجعى فريق غزل المحلة "حملة افصلوه"، للمطالبة بفصل النادى عن إدارة الشركة.
تضمنت الحملة "علشان النادى محصلش على بطولة من 40 سنة.. علشان النادى يحافظ على لاعيبته ميفرطش فيهم.. علشان النادى يكون بميزانية خاصة ومستقلة بذاتها.. علشان متخلطش المكن باللاعيبه.. علشان مجلس الإدارة فاشل ومالوش فى الكورة.. علشان جمهور غزل المحلة صبره نفد.. علشان متتكررش مجزرة بورسعيد فى المحلة.. علشان نقضى على فساد الإدارة وفشلها.. علشان النادى دائما مهدد بالهبوط.. علشان الفريق هبط 4 مرات خلال 10 سنوات.. علشان فلوس بيع اللاعبين ميخدوهاش يقبضبوا بيها العمال.. علشان نادى غزل المحلة نادى جماهيرى مش شركات".
لذلك أقر أنا الموقع أدناه بكامل إرادتى وبصفتى أحد مشجعى نادى غزل المحلة، أطالب بفصل نادى غزل المحلة الرياضى بكامل الأنشطة الرياضية عن شركة مصر للغزل والنسيج بالمحلة الكبرى، وأدعو جميع جماهير وشعب المحلة الكبرى للانضمام لحملة افصلوه والتوقيع على هذه الاستمارة حتى نستطيع تحقيق هدفنا كجماهير تعشق كيان نادى غزل المحلة الرياضى.