باسم يوسف

يا عم "باسم" كفايه الرئيس زعلان
لزمتها إيه المعاندة بس فى الإخوان
وأنت لا عندك صاروخ ولا حتى دبابة
ولا حتى عندك فلوس تصرف فى كل مكان
...
ولا حتى عندك كتيبة قائدها "حازم" بيه
اللى كتائب المصارعة كلها فى إيديه
حتى معندكش عجل بلاش نقول عجلين
قدام إداره القناة نعمل عزومة عليه
...
وكمان معندكش سُكر تفرقه ودقيق
ولا حتى عندك بلوفر حلو زى "شفيق"
ولا حتى فى الانتخاب تعرف تزور صوت
ولا حتى تعرف تقول العبرة بالصناديق
...
ولا حتى تعرف تنام زى "هشام قنديل"
نهاره نايم عشان بينام كتير بالليل
والدنيا بايظه ومفيش عسكر ولا ضباط
وكل يوم فيه مظاهرة يطب فيها قتيل
...
يا عم "باسم" خلاص النقد بقه محظور
وكل واحد هيلبس حدوه أو طرطور
وكل مصرى هيلبس بردعة ولجام
حتى الخازوق المغرّى هنلبسوه بالدور