قطار البدرشين..!

ناس بتموت
وناس الحظ
يضحك لها..
تجرى وتلعب..
وكل الناس حولها..
ليه بس
الناس اللى تتظلم
وتموت..
هى اللى بتعبد ربها..؟ !
يا إله الكون
الحزن فى القلب
متربى ع العشرة
عشنا سنين سود.. .
عشرة
ورى عشرة..!
نبحث عن الحكمة
يمكن...
نفوت من الأزمة
ممكن تكون.. نكتة
نضحك على جرحنا
نخرج من العتمة
نرحل بلا د..
وبلا د...
مكتوب ع الدفتر
المصرى.. ياولداه
مفطوم.. كده ع الآه
والدمعة عايشة معاه
وإن حتى قولنا..
آه..........!
صرخ الألم.. الله
بخاف
من الفتنة
طول عمرنا
نرضى ونتوكل....
بصلة ولقمة
أو حتى.. حبة دقة
نسد بيها جوعنا
نحمد ونتشكر...
لكن ولادنا...........
فى الجامعة علمناهم
على الأدب والرضا
والله ربناهم..
كان الكتاب بينور..
قلنا الزمان اتغير
جبنا البخور والحجر
م السحر بخرناهم
وبالقرآن والإنجيل
طلبنا من ربنا
يحمى ولاد عمرنا....!
وقلنا من صغرنا
دول سند بكرى
وللأول مرة فى عمرنا
يطلعونا درجة
وحاولنا ننسى آلآسىَ
ونركب لبكرة المجرى
طلعلنا الغشاش
يطلب البقشيش
قلنا.. لا..معناش
قال.. ارجعوا..
مافيش غير السبنسه