"انتوا اللي عليكم علامات استفهام".. جدو يرد على تصريحات سليمان في 4 نقاط

رد محمد ناجي "جدو" المدرب العام بفريق نادي بيراميدز، على تصريحات أحمد سليمان عضو مجلس إدارة نادي الزمالك، بشأن سياسة النادي "السماوي" من حيث الصفقات.
وقال "سليمان" في تصريحات عبر شاشة "إم بي سي مصر"، إن هناك علامة استفهام كبيرة حول سياسة نادي بيراميدز من حيث الصفقات. طالع التفاصيل
هنا جاء رد "جدو" والذي يعمل في الجهاز الفني بفريق بيراميدز عبر صفحته الرسمية على منصة "إكس" (تويتر سابقًا).
وجاء رد "جدو" من أربع نقاط، كالتالي:
"الكابتن أحمد سليمان طلع امبارح وهاجم بيراميدز وأندية الشركات قال علامات استفهام على بيراميدز عشان مش بيدوهم لاعيبة وانهم بيشتروا لاعيبه وأنهم بيصرفوا كتير وبيدخلهم فلوس قليله ومش بيسيبوا لاعيبة تحترف"
"أولاً بيراميدز أداهم عمر جابر و دونجا و عبدالله السعيد وهما دلوقتي أحسن لاعيبه في الزمالك وهل لو بيراميدز كلم الزمالك انهم عايزين زيزو مثلا الزمالك هيوافق؟ وماسيبتش زيزو يحترف ليه؟!"
"ثانيًا طبييعي ان بيراميدز يشتري لاعيبه ويقوي القايمة زي كل الفرق"
"ثالثا ممكن تقولنا يا كابتن احمد الزمالك بيصرف كام و بيدخله كام و هل بيكسبوا فلوس من الكوره اكيد لا. الزمالك دفع اكتر من مليار جنيه غرامات بس !! فممكن تقولنا الكوره في الزمالك بتكسب كام!!"
"رابعًا من اول المجلس نجح في الانتخابات و كل لقاء تليفزيوني من اول الرئيس لأصغر عضو بيتكلم عن رمضان وعايزين رمضان صبحي مع انه متعاقد مع النادي لمده تلات سنوات و دي حاجة عمري ماشوفتها في اي حتة في العالم لا في مصر ولا بره مصر ان مسئولين نادي بيتلمكوا عن لاعب في نادي تاني و تعاقدوا ساري لمده 3 سنوات!!
"بصراحة انتوا اللي عليكم علامات استفهام!!!"
هذه التصريحات المتبادلة تأتي قبل مباراة الزمالك وبيراميدز في نصف نهائي كأس السوبر المصري، والذي سيقام في العاصمة الإماراتية "أبو ظبي" الأحد المقبل بمشاركة الأهلي وسيراميكا كليوباترا أيضًا.