#Yalla_Fitness.. أسرار خفية لبناء العضلات القوية

عشان تبني العضلات القوية اللي بتحلم بيها، فإنت محتاج تروح الجيم كل يوم عشان تمارس كل التمرينات اللي موجوده هناك، و ده أكيد صعب جدا، لكن إحنا هنديك مجموعة نصايح سهلة تقدر تخليك تبني كتلة عضلية بسهولة و في وقت محدد لكن لازم تكون صبور و إيجابي، لازم تتبع الخطوات السحرية دي عشان تحقق حلمك وتكون صاحب عضلات قوية:
أسرار خفية لبناء عضلات قوية
القيام بتمرينات الsquats القوية
لو كان هدفك هو بناء العضلات أو بناء القوة، فحاول انك تعمل تمرينات الsquats بطريقة صحيحة و بقوة علشان تحصل على مزيد من الألياف و العضلات في منطقة المؤخرة و الفخذ و الركبة، عشان تتأكد إنك بتعمل التمرينة صح، لازم الفخذ ينزل لنفس مستوى الركبة أو تحت مستوى الركبة بشوية.
إتباع النظام الهرمي في التمرينات
مفهوم النظام الهرمي هو قائم على زيادة الوزن وتقليل عدد مرات التمرينة من مجموعة إلى التانية، محاولة بناء نحو نقطة عالية في ممارسة الرياضة، مثلا: التمرينة ممكن تكون من: 12، 10، 8، 6، 4، 2. فلازم نزيد الوزن تدريجيا مع كل مجموعة لما نخفض العدد.
القيام بتمرينات الdeadlifts
وهي واحدة من أكتر التمرينات المهمة و القوية، القيام بالتمرينة دي بتزيدك قوة و بتزيد كتلة العضلات بشكل كبير، تمرينة رفع الأثقال لازم تتم بشكل صحيح لانه بيحتاج جهد كبير، خلى التمرينة دي عنصر أساسي من تدريباتك ، و إبدأ بوزن خفيف، و ركز على شكلك و إستمتع بكتلة العضلات اللي هتكتسبها في جسمك كله خصوصا الذراعين و الرجل.
إتحدى نفسك
رفع الاثقال هو عبارة عن تحدي للنفس عقليا وجسديا لصعوبة التمرين ده، أتعرف على مجموعة أصدقاء من رافعين الأثقال المحترفين عشان تتعلم منهم و يشجعوك، حاول ما تحسش بالخوف و انت وسط اللاعبين المحترفين.
الراحة والنوم و تناول الطعام
عشان تبني عضلاتك، لازم ترتاح و تاكل كويس جدا، لأن برنامج رفع الاثقال بيحتاج كمية مناسبة من الأكل والراحة لتحقيق أفضل النتائج، فضروري إنك تتبع برنامج غذائي كويس و مناسب و يحتوي على المكملات الغذائية المطلوبة.