بالفيديو.. أحمد آدم يسخر من «صباحي» بمقطوعة «كان في صحفي زمان»

تهكم الفنان الكوميدي أحمد آدم، على إعلان حمدين صباحي، المرشح لرئاسة الجمهورية «منح فدانًا و10 آلاف جنيه لكل شاب» حال فوزه برئاسة الجمهورية، وقال: «حمدين هيوزع على كل واحد من الشباب فدان أرض وعشرة آلاف جنيه.. طب يا ريتني كنت شاب».
وأضاف «آدم»، خلال حلقة الخميس، من برنامج «بني آدم شو»، المذاع على فضائية «الحياة»: «أنا مكنتش عاوز أتكلم عليك يا حمدين بس الاستفزاز وحش.. واللى إنت بتقوله ده كتير».
ووجه سؤال ل«صباحي» قائلًا: «إنت شايل الفدادين دي على فلاشة؟ ولا إنت ناوي تجيب فدادين small».
وتقمص آدم شخصية «القرموطي»، واستطرد: «لو أنا شاب وسمعت كلام حمدين هديله صوتي.. بس لو الكلام ده متحققش هديله..، حد يجاوب منكم».
وواصل آدم سخريته من صباحي، قائلًا: «كان في صحفي زمان.. كان عامل فيها شجاع ومش جبان.. وفي 2005 تحالف مع الإخوان في البرلمان.. ومشوفناش منه ولا استجواب ولا خطاب في البرلمان.. وكان صديق زكريا عزمي كمان.. فاكر يا مان.. ده غير زيارته الحلوة الزين للقذافي وصدام حسين.. وخلصت الحدودته.. حلوة ولا ملطوطة».