نوارة نجم: «لا الإخوان بيعملوا ثورة ولا الأمن بيحارب الإرهاب» !!

قالت الناشطة السياسية نوارة نجم: "لما كتبت إن نشر فيديوهات المحلة اشاعة فاحشة، الإخوان ردوا عليا وقالوا لي والقتل اشاعة ايه؟".
وأضافت نوارة في تغريدة لها عبر "تويتر"، اليوم الثلاثاء:"طب ما انتوا بتقتلوهم زي ما هم بيقتلوكوا، وانتوا الاتنين بتاخدوا في الرجلين ناس بريئة مالهاش ذنب في الصراع اللي بينكو، وهما قالوا عليكوا عندكوا جهاد نكاح، ودي حاجة منحطة، بس الأمن منحط طول عمره، وعمره ما قال إنه جماعة دعوية".
وتابعت:"لا انتوا بتعملوا ثورة، ولا هم بيكافحوا الإرهاب، انتوا الاتنين بتتصارعوا على سلطة، ذنبنا احنا ايه..... تطرطش علينا.. اتصارعوا على السلطة اللي ما تخصش حد في البلد دي غيركوا من غير ما تئذوا الناس اللي عمرها ما حلمت بالسلطة ولا عايزاها".
واستطردت نوارة: "وأنا أول مرة أعرف إن المجندين في مصر كلهم فلول وكفرة والطلبة في مصر كلهم إخوان وارهابيين.. ويخلق مالا تعلمون".