"البرعى": "السلفيين عاملين أحلى شغل بالمناطق الشعبية"

قال الناشط الحقوقى، نجاد البرعى، اليوم السبت عبر "فيسبوك": "السلفيين فى المناطق الشعبية عاملين أحلى شغل، الست أم أمل اللى بتساعدنى فى البيت جت غضبانة وتقول لى شفت مرسى جايب لنا رئيس إيران وبيدخله الأزهر، وبيعمل علامة الانتصار علينا".
أضاف البرعى، نقلا عن السيدة أم أمل: "دول هما اللى عملوا الفيلم ضد الرسول.... ربنا يخلصنا من مرسى، غلى الأسعار قلنا معلهش فى سبيل الله، لكن يجيب لينا بتوع إيران كمان؟!!! السلفيين والإنقاذ ..إيد واحدة".
وذكر البرعى: "اللى عايز يلعب سياسة يلعبها بشروطها.. أيوه المصريين عايزين اللى يخلط الدين بالسياسة ومش هيهمهم إلا موضوع الدين وهيبلعوا الزلط لأى واحد يقول لهم قال الله وقال الرسول "صلى الله عليه وسلم"، طبعا مع شوية دقيق أو زيت أو أنبوبة بوتجاز أو فرصة عمل.. يا تلعبوا اللعبة بشروطها يا تروحوا تقعدوا فى بيوتكم".
وتابع: "نشكر الرئيس أحمدى نجاد بزيارته لمصر ساعد المعارضة أيما مساعدة فى مسعاها.. الست أم أمل بتقول لى بتوع المعارضة رفضوا يروحوا لنجاد والإخوان راحوا طلعوا بتوع المعارضة عارفين ربنا أكتر من الإخوان ههههههه".