نشطاء "تويتر" يسخرون من اشتباكات الجيش والشرطة: "كده الشرطة هتتحاكم عسكريًا.. أيه اللي وداهم هناك.. الشعب يطالب بضبط النفس.. البلد الوحيد اللي الشعب تدخل للفض بين الجيش والشرطة"

موجة من السخرية انتابت نشطاء موقع "تويتر" بعد المشاجرة التي شهدها محيط قسم شرطة إمبابة، بالقنابل المسيلة للدموع بين مجندي الشرطة والجيش، بسبب خلافات حول ركن "موتوسيكل"، ودشن النشطاء هاشتاج تحت اسم "الجيش والشرطة"، والذي سخروا خلاله من الواقعة.
ورصدت "فيتو" بعض تعليقات النشطاء على الواقعة، ومنها:
عبدالعاطي: "قالك الجيش بيهتفوا الداخلية بلطجية والداخلية بتهتف يسقط يسقط حكم العسكر هههه طيب".
عبيدي: "كده فعلا أقولكوا الجيش بيحارب الإرهاب".
نجوى السيد: "وبعدين قنابل الغاز اللي الداخلية عمالة ترميها على الجيش في إمبابة دي مش حرام مش بتاعت الشعب دي".
عادل محمد: "هما إيه اللي وداهم هناك".
أحمد السمان: "الشرطة والجيش حبوا بعض.. البلد الوحيد اللى الشعب تدخل للفض بين الجيش والشرطة".
أحمد وجيه: "مصر البلد الوحيد في العالم اللي تلاقي الشعب بيفض اشتباك بين الجيش والشرطة".
مصطفى محمد: "دلوقتي الإعلاميين عمالين يخبطوا دماغهم في الحيطة! محتارين هيقولوا اللي بدأ الضرب كان من الإخوان بس هنختار جيش ولا شرطة ".
بكر الشرقاوي: "الشرطة العسكرية وصلت قسم إمبابة وقفلت القسم على الظباط والأمناء بعد اشتباكات مسلحة بين الداخلية والجيش الظاهر كده هيعملوا ليهم كشف عذرية".
الديب: "الجيش طلع بحملة على قسم الشرطة وبيحط عليهم.".
"بخيت العادلي: "سمعت إن فيه خناقة بين أفراد الجيش والشرطة بقسم إمبابة ياريت المواطنين يتصلوا بأنصار بيت المقدس تفك الاشتباك".
إبراهيم: "أنصار بيت المقدس تستنكر العنف بين الجيش والشرطة وتطالب بتفعيل التفاوض بينهما".
عبدالغني: "هو كده الشرطة هتتحاكم عسكريًا؟.
الشناوي: "الجيش نفخ الداخلية.. والشعب يطالب بضبط النفس".