حزب "مصر الطرية" ينبذ العنف.. بس مش أوى!!

عارفين الولد اللى كان معانا فى الفصل وإحنا صغيرين وكان لما المدرس بيسال سؤال، والولد ده كان بيرفع إيده وينزلها متردد، ده لما كبر دخل حزب "مصر القوية"، كان هذا أحد تعريفات الشباب لأعضاء الحزب الذى أسسه عبدالمنعم أبوالفتوح صاحب المواقف المترددة، التعريف لم يعجب آخرين، وقالوا: إن حزب مصر القوية هو مكان لكل شاب نفسه يكون إخوانى ولكنه يخاف من الفضيحة، مواقف الحزب لم تكن قوية كاسمه سواء مع الإخوان أو المعارضة وهو ما جعل الشباب يطلقون عليه حزب "مصر الطرية".. " فيتو كافيه" رصدت أبرز تعليقات الشباب على موقع فيس بوك..
باسم عبدالوهاب: أبوالفتوح: اللى بيحصل عند الاتحادية غلط.. بس مش غلط أوى.
حماده مجاهد: عارف انت الواد اللى كانوا بيوقفوه جون مشترك؟ أهو ده لما كبر بقى أبوالفُتوح.
حامد الغزالى: حازمون: نؤسس "الوايت بلوك" للقبض على أعضاء "بلاك بلوك".. كده أنا عرفت أبوالفتوح هيعمل إيه.. هيؤسس (الجراى بلوك) لا مع دولهما ولا دوكهما.
دعاء عبدالخالق: لو سمحت أبوالفتوح هيعمل ( الأورانج بلوك ).. حاجة توجع القلب والله ربنا يعدى بالبلد على خير.
محمد العزونى: عارفين الولد اللى كان معانا فى الفصل وإحنا صغيرين وكان لما المدرس كان بيسال سؤال، والولد ده كان بيرفع إيده وينزلها متردد يجاوب ولا لأ ، ده لما كبر دخل حزب مصر القوية.
منى إلهامى: مصر الطرية هو مكان لكل واحد نفسه يكون إخوانى بس خايف من الفضيحة ودول أحب أقولهم خلاص ادخل الحرية والعدالة أكرملك.