نشطاء "تويتر" يسخرون من حكومة الببلاوي.. ياسر: الاستقالة أكبر إنجازاتها.. عماد: مفارقات القدر رحيل الببلاوي وصافيناز في نفس اليوم.. محمد: الجنزورى فين.. شيماء: دايما المناصب مكتوبة للناشئين تحت 80 سنة

استقبل نشطاء مواقع التواصل الاجتماعي، نبأ استتقالة حكومة الدكتور حازم الببلاوي،اليوم، بعاصفة من السخرية عبر هاشتاج الببلاوي.
وفيما وصف نشطاء الاستقالة بأنها أبرز إنجازات الوزارة، انتقد اخرون معدل اعمار من يتولون رئاسة الحكومة الذي لا يقل عن 60 عاما، وتنوعت ردود الأفعال على النحو التالي:
ياسر سليم" نظلم حكومة #الببلاوي إذا قلنا إنها بلا إنجازات، استقالتها اليوم أول وأكبر إنجازاتها"
محمد محسن" الجنزورى فين الجنزورى فين #الرئاسة تعلن قبول استقالة حكومة #الببلاوي"
شريف سيد" بعد رحيل #الببلاوي | على من ستطلق الأوكار الليلية الرصاص !! #مصر"
شريف أبو شادي" من كتر حبنا في الفراعنة كان عندنا موميا #الببلاوي واحتمال نجيب موميا #الجنزوري في #رئاسة الوزراء #مصر"
أحمد عبد الله" بيقولك بعد الاستقالة ‫#الببلاوي‬ متأثرا يصافح ‫#السيسي‬ ويودعه وإذ فجأة يدخل عليهم ‫#عدلي منصور‬ قائلا: "يبقي اللي سمعته في التليفزيون صح !"
أحمد عبدو" وبعدْ #الببلاوي ما بَلانا بكل البلاوي...جانا #محّلب عشان يحلب ماتبقي في ضِرّع الصبّر..#مصر لا يحكمها إلا الأموات"
محمود حسين" #الببلاوي رئيس وزراء لم يقدم شيئا ملموسا على أرض الواقع في عهده قتل الشباب وزاد الفقر وسهل الفساد للكثيرين"
إيهاب النقيب" طيب هوا #الببلاوي حملنا عشرومييت مليار دولار ديون... ولما معرفش يتداين من مين تاني.. قام مشي."
شيماء غنيم" #الببلاوي يلا خد الشر وراح هو وحكومته،أصلا مكنتش بطيق الراجل ده،دايما مكتوب أن اللي يمسكوا مناصب فمصر يكونوا من الناشئين تحت 80 سنة."
عماد نصر" ومن مفارقات القدر أن يرحل #الببلاوي و#صافيناز في نفس ذات التوقيت فقد قررت الرحيل عن #مصر بشكل نهائي مش هنساكى يا طاهرة"
queenperfume "قنوات #مصر تذيع تصريحات #الببلاوي الكاذبه أين استطاعته فرض الأمن وكل يوم جنازات للشرطة والشعب.. اتق الله..ربنا رحمنا منك بعد طول انتظار"
العمدة دياسطي" #الببلاوي: استقلت لتشبيهي بالفنان يوسف داؤود ومطالبتي بقص حواجبي ديجراديه.. معذره سياده المشير سني لا يسمح."
أحمد تيمور" وإذ فجأة يا مؤمن.... الناس فجأة اكتشفوا إن #إبراهيم محلب اللى بقاله 6 شهور وزير إسكان فلول #مصر #الببلاوي"
د.أشرف عزت" إحنا خسرنا راجل بخبرة وحرفية #الببلاوي.. الراجل ده هو اللي أشرف ع بناء معبد الكرنك هتوحشنا كتير ياجدو"
خليل جاه شان" حكومة حازم #الببلاوي المشلولة تستقيل: هل سيشكل الببلاوي حكومة مصرية جديدة أم سيتم استبداله برئيس حكومة جديد؟"
تيتو مرجان" #الببلاوي بعد ثورة يناير بقى نائب رئيس الوزراء وبعد ثورة 30 يونيو بقى رئيس الوزراء، بعد الثورة القادمة هيبقى رئيس #نظرية التطور #مصر"
أحمد ناجح" حالة من الارتياح الشديد سادت اليوم شخصيات مرموقة في #مصر عقب استقالة حكومة #الببلاوي على رأس هذه الشخصيات الببلاوي نفسه"
عمرو المنياوي" #الببلاوي دا راجل اثرى حطوه جمب أبو الهول"
عمرو الموجي" الناس فرحانة باستقالة #الببلاوي كأننا فتحنا #القدس..."
محمد عزت" سؤال لخبراء الشفرات في #مصر المحروسة اية العلاقة بين تعامد الشمس من يومين على وجه الفرعون واستقالة #الببلاوي"