مرسي أول رئيس مدني مختطف.. ماسوني: فشلوا في خطف الشاطر فخطفوا الاستبن بتاعه.. فتحي: التفاصيل في رجل المستحيل

أثار تصريح محمد مسعد ياقوت القيادي بحزب الحرية والعدالة بالأمس عن محاولة القوى السياسية اختطاف الرئيس مرسي سخرية النشطاء على موقع "تويتر".
وعلق أحد النشطاء ويدعى مرسي ماسوني: "هم كانوا عايزين يخطفوا الشاطر الأول بس فشلوا فراحوا خدوا مرسي بداله عشان هو الاستبن بتاعه"، بينما أشار محمد عبد الخالق "خطف مرسي ده بيفكرني بموضوع المؤامرة على مصر اللي اشتركت فيها إسرائيل وحماس وأمريكا وإيران وكل ده عشان ماما عفاف شعيب متاكلش بيتزا وريش".
بينما أكد محمد مرعي أنه سيتعامل مع الموضوع بجدية قائلا: "سأتعامل مع ما قاله ياقوت عن مخطط خطف مرسي بجدية، نريد من الرئاسة أن تعلن عن مخطط رئيس مصر أين المخابرات، مش هنعدي الهبل ده بالساهل عاوزين ردود".
بينما سخر حسن صلاح قائلا: "ألو المرشد: احنا طالبين مليون جنيه فدية. المرشد: ليه يا عم خاطفين أبو تريكة، أول رئيس مدني مختطف".
كما سخرت نور العقاد قائلة: "وده يتخطف ويسندوا مكانه بكوريك ولا يحطوا حجر كبير وخلاص".
بينما قالت مروة سلامة: "خطف مرسي.. وأنت فكرك إننا حنزعل... لا يا أمور..ده احنا حنعمل لوووووووووووووووووووووولي فرح".
بينما علقت شيرين قائلة: "على فكرة البرادعي وحمدين قاعدين في خيمة عند الاتحادية وبيحفروا تحت الأرض كل يوم حتة علشان يخطفوا مرسي من القصر".
كما سخر هشام الحريري قائلا: "الراجل الإخواني اللى كان مع القرموطي بيتكلم عن عملية خطف مرسي وكأنه بيتكلم عن عملية خطف جاموسة من غيط الجيران".
في حين قال محمد فتحي: "خبر خطف الرئيس مرسي صحيح .. والتفاصيل موجودة في العدد القادم من رجل المستحيل".
بينما سردت شروق الشمس خطة خطف مرسي قائلة: "موسى هيكسر كالون القصر عشان كان بيروح هناك كتير، البرادعي هيثبت مرسي بمطوة وصباحي هيستناهم بره بعربية يستلمه ويصبره في الملاحات".
كما أعلن مازن عبد الفتاح أنه "بعد تصريح الإخوان بأن الثوار كانوا يعتزمون خطف الرئيس مرسي.. وصلنا الخبر الآتي عصابة "أبلج ولجلج" تعلن مسئوليتها عن خطف مرسي".