قنديل أم هاشم وقنديل مرسى!!

زعرور: تعرف إيه عن قنديل؟
بعرور: أعرف قنديل البحر وده زى الشبطة بيلبد فى الجسم تحت المية وما بيطلعش إلا بالعافية.
زعرور: لا مش قصدى ده.
بعرور: قصدك قنديل أم هاشم.
دى رواية ليحيى حقى جميلة جدًّا وفيلم كمان أكثر من رائع
زعرور: لا برضه مش قصدى ده
بعرور: قصدك قنديل فى اللغة؟
قنديل فى اللغة يعنى سراج أو مصباح أو مشطاه
زعرور: لا ولا ده.
بعرور: كده مفيش غير محمد قنديل المطرب.
بتاع يا حلو صبح يا حلو طل.
وسماح يا أهل السماح لوم الهوى جارح
أصل السماح طبع الملاح ويابخت من سامح
زعرور: ولا ده.
بعرور: يبقى مفيش غير قنديل مرسى والإخوان.
زعرور: أيوه هو ده تعرف عنه إيه؟
بعرور: مش عايز أعرف.
ده اسم مش على مسمى ده قنديل ده ده ضلمه يا راجل من يوم ما مسك الوزارة وحال البلد مال، وعلى فكرة يشبه قنديل البحر شبطة برضك ماسك فى الوزارة ومش عايز يسيبها، نحسها ونحس البلد ده قنديل وقندلنا كلنا.!!