"تويتر" يغضب لأجل "بور سعيد".. حازم: البورسعيديون أهلنا وناسنا.. جميلة: فجر السنين وعليه حتشوف ثأر السنين.. صباحى: أوقفوا نزيف الدم فى بورسعيد

حالة من الغضب الشديد انتابت النشطاء جراء ما يحدث من قتل فى بورسعيد. وقد أرجع النشطاء ما يحدث فى المحافظة الباسلة إلى تخاذل الرئيس مرسى والضعف الأمنى، ودشنوا فى ذلك هاشتاج عن "بورسعيد" ب"تويتر" ضم المئات من النشطاء.
حيث قال الناشط السياسى، الدكتور حازم عبد العظيم، "اسمع تنبيط كلام سخيف وريحته وحشة عن البورسعيدية! البورسعيدية أهلنا وناسنا، انتوا نسيتوا جدعنة أهل بورسعيد! فيه أيه!".
أما جميلة إسماعيل، الناشطة السياسية، فقالت: "بتضرب غاز وحى على جنازة خارجة فيها بلد كاملة؟ بتضرب أحياء رايحين يدفنوا أمواتهم! فجر السنين وعليه حتشوف ثأر السنين".
وعلقت الناشطة الحقوقية منى سيف: "النص الكويس: ظباط طردوا وزير الداخلية من صلاة الجنازة على زميلهم اللى مات فى بورسعيد، والنص السئ: طالبوا بالقصاص لهم وبزيادة تسليحهم!"، مضيفةً: "يعنى إيه جنازة يتم تفريقها بغاز مسيل للدموع؟ هى الناس مش من حقها تحزن على اللى ماتوا لهم وتدفنهم؟ حتى ده كتير؟".
وقال الناشط السياسى علاء عبد الفتاح: "إحنا فى اشتباكات مع الداخلية من يوم الجمعة يعنى قبل ما تولع فى بورسعيد أصلًا، حضرتك معانا؟".
وقال مؤسس التيار الشعبى، حمدين صباحى، "عزائى لأهالى شهدائنا فى مدن القناة الباسلة بورسعيد والسويس والإسماعيلية: نحن معكم ولن نسمح بعزلتكم".
وأضاف صباحي: "احترموا حرمة الموت، وأوقفوا نزيف الدم فى بورسعيد، استمرار الاستفزاز للغضب الشعبى بإسالة المزيد من الدماء ستنقلب على الجميع".
وقالت الناشطة السياسية نوارة نجم: "الستات فى بورسعيد بتدعى لك يا ريس، بيقولوا ربنا يحرق قلبه على عياله، آه والله".
وقال إبراهيم الجارحى الناشط السياسى: "إطلاق نار عشوائى أثناء تشييع وقنابل غاز جنازة ضحايا بورسعيد. دى إخلاق بشار فى حمص وحلب!".
أما ريهام ناصر، فقالت: "بورسعيد دى من المدن الباسلة اللى خاضت حرب وصدت العدوان عنكوا؟ ولا فيه حاجة فى التاريخ انتوا مخبينها عنى؟".
وأضاف أحمد الشيخ: "للطرف التالت ببورسعيد وهو يطلق النيران على المواطنين، ملتحون يا سادة أعرفوا عدوكم".
وقالت الشيماء: "فى بورسعيد المساجين بيحاولو يهربوا، طب والله عندهم طموح. ده من سنتين فى واحد حاول يعمل زيهم كده ربنا فتح عليه وبقى رئيس جمهورية".
وأما الناشط السياسى والإعلامى، سلامة عبد الحميد، فقال: "التيار الشعبى يشارك فى تجهيز قافلة لزيارة بورسعيد لدعم الأهالى. الرهان على ألتراس أهلاوى باظ. تم نقل العطا على ألتراس جرين ايفلز.العرض مرض".
وقال أمير إبراهيم: "بورسعيد فعلًا كلها فى الشارع الناس بيدفنوا 29 واحد ينضرب عليهم نار وغاز ويموت واحد هذا لصالح مين وليه!".
وقال ديشا: "يا جماعة توفيق عكاشة بيقول إنه حيثبت دور الإخوان فى مذبحة بورسعيد الجديدة بالإدلة والمستندات النهاردة".
وقال محمود ممدوح: "لأ والسوريين جايين بورسعيد هربًا من الضرب والقصف والقتل كنتوا خليكوا هناك بقى أهى بلدكوا على الأقل".
وقالت أغاريد أمين: "لم تبدأ الداخلية فى بورسعيد، وأنا أعلم أن الداخلية مجرمة فى أمور كثيرة بس لم تبدأ فى بورسعيد ومن حقهم حماية السجن".
أما محمد إمبابى فقال: "أى جنازة بتشوفها ماشية بتقول فيها "لا إله إلا الله"، عندنا فى بورسعيد بيضربوها بالخرطوش والقنابل المسيلة".