نداء الأم مصر

الأم بتنادى يا حبايبى يا ولادى باصرخ من الأحزان في حاجة مش هي بيغرروا بيا وأنا أم للأوطان يا رب كون عونى على اللى خانونى وبيفتنوا الولدان.
مين اللى مد الإيد بالشر والتبديد مين اللى أهمل فيا وفين راح الأمان، سيدنا نوح جدى بسفينته هيعدى مش حاغرق ف الطوفان مع دعوة إبراهيم آمنى رب رحيم مش عابدة للشيطان ويوسف الصديق حيجينى وقت الضيق وياخدنى بالأحضان.
ومعجزات موسى أنا بيها محروسة م السحر والطغيان أنا بلد الرسالة والحالة دى مش حالة ما مرش ده عليا فى تسلسل الأديان، جايلى النبى عيسى حيقول يا كونتيسة حاشفيكى م العميان وثناء حبيب الله في ولادى أنا حالقاه أفضل جنود شجعان.
ما تغيروش اسمى ما تلغبطوش رسمى فى الصورة والقرآن دم الشهيد لو راح ما فى بقلبى سماح لحد مهما كان ابنى الكبير راح فين فين كل المسئولين ليه سابوا الشر يسرى فى القلب والشريان.