خايفة

من إيه وإحنا جنبك
خايفة عليكم يا ولادى من بطش الأيادى
خايفة لأنى تعودت إن ولادى يحاربوا الأعادى
مش يحاربوا أخوهم ولا ابنهم ولا أبوهم
خايفة ألاقى نفسى لوحدى
من غير عيالى وأصبح أنادى عليكم ولا حد يبالى
خايفة من اللى نفسه يدمرنى يقرب من حدودى
وأنتم منشغلين بغيرى وقتل فى ولادى
أنا عارفة إنكم عايزينى قوية ومفيش فساد
بس نسيتوا يا ولادى
ولاد الحرام اللى بيحوموا حوليا
خايفة وأول مرة أحس بالخوف
خايفة عليكم خايفة عليا
خايفة على الأمة العربية
كنت زمان حاسة بالأمان وانتو جنبى دلوقتى خلاص
بق الغدر جايلى من البرّه ومن جوّه
زمان كانوا يقولوا العدو بيقرب منى
كنت برد وأتباهى عليهم
وأقول لهم ولادى حوليا
مش عارفة من فيكم عيالى ومن فيكم مش منى
دمكم هو دمى سماركم من طينى
بس فيكم خاين ونسى إنه منى
لسه بتسألونى من إيه خايفة
خايفة وبقولها ولأول مرة أقولها
خايفة منكم عليا
خايفة تضيعونى يا ولادى بأيدكم
وتصحوا تلاقونى مبقتش بين إيديكم
بس اللى مصبرنى ومهدينى
إن ربنا فى القرآن حامينى