نوارة نجم: الإخوان «جبل فلوس»

قالت الناشطة السياسية نوارة نجم، اليوم الأربعاء على "تويتر": "احنا عايزين جماعة الإخوان المسلمين تعلن عن مصادر دخلها وتمويلها".
وأضافت: "واحد بيقولى والتيار الشعبى كمان يعلن عن مصادر تمويله ما يعلن.. ما يعلن المعفن ده أتسبب فى إننا ننضرب فى الاتحادية عشان العربية عليها إيجار".
وأوضحت: "التيار الشعبى مشى وفضى الاتحادية قبل ما الخرفان يهجموا علينا عشان العربية عليها إيجار.. والله العظيم، ونقوله استنى يقوول وادفع الإيجار منين".
من جهتها تساءلت نجم: "وإيه علاقة الكنيسة بجماعة مش معترف بيها؟ الكنيسة تتقارن بالأزهر، والأزهر ماحدش بيراجع ميزانيته مع إن بيخش له مليارات كل سنة"، قائلة: "الخرفان بيقولوا لى لما الكنيسة تعلن عن ميزانيتها نبقى نعلن عن ميزانيتنا، هو انتوا مؤسسة؟ هو الأزهر بيعلن عن ميزانيته لا سمح الله؟
وتابعت: "الأزهر والكنيسة الاتنين ما بيعلنوش عن ميزانيتهم بس هم أصحاب صفة عشان يستقبلوا فلوس الناس وزكاتهم وعشورهم، انتوا بقى بتجيبوا الفلوس منين؟
وقالت الناشطة السياسية: "جماعة الإخوان المسلمين دى جبل فلوس... وكل ما يصرفوا فلوس الفلوس بتزيد مش بتقل.. بتجيبوا الفلوس منين؟ واشمعنى انتوا ماحدش يعرف مصادركوا".
مضيفة: "وسبحان الله عمرى ما شوفت قيادى فيهم فقير.. هو شرط الترقى فى الجماعة إنه يبقى معاه فلوس ما تتعدش؟"، متسائلة "منين بيعرفوا يجيبوا شنط فيها سكر وزيت ورز وعلب عسل أسود عشان يوزعوها على ملايين فى الانتخابات؟".
وأضافت: "طب هم كام عضو عامل فى الجماعة؟ ليه مش بيقدموا قوائم وكشوف بأسماء أعضائهم ما بقوش مهددين بالسجن خلاص .. ولا هم عشان عندهم خلايا نائمة وخلايا مندسة وسط حركات سياسية تانية مش عايزين يقولوا أساميهم؟