تدشين حملة "خمسة" السيسى.. لمواجهة "رابعة" مرسى!

والله الشعب المصرى دا فقرى وابن نكتة طول عمره.. الناس "بتوع" الفيس بوك شافت بتوع الإخوان، وهما رافعين الشعار الأصفر بتاع "رابعة العدوية".. راحوا عاملين حاجة جديدة عشان يغيظوا بيها "الإخوان".. وصمموا صورة لوزير الدفاع الفريق أول عبد الفتاح السيسي.. الراجل إللى عزل "مرسي".
الصورة على شكل "كف" مكتمل الأصابع.. "خمسة" كاملين مش ناقص منهم "صباع".. وصورة وزير الدفاع في قلب الكف.. وكأنهم بيقولوا لمعارضي "السيسي" خمسة وخميسة في عين العدو.. وكمان بيطالبوا "السيسي" بالترشح لرئاسة الجمهورية.. رغم أن "الجنرال" نفى أكتر من مرة إنه هيترشح.. وكان ناقص يحلف لهم ب"الطلاق" عشان يصدقوا.
وكان ناقص إن الناس إللى صمموا الصورة يكتبوا تحتها "العين صابتنى ورب العرش نجانى".. أو "يقيني بالله يقيني"..!