ياسمين عبد العزيز تبكي على الهواء وتكشف لأول مرة تفاصيل انفصالها عن أحمد العوضي (فيديو)

ياسمين عبد العزيز، كشفت الفنانة ياسمين عبد العزيز، لأول مرة، تفاصيل انفصالها عن الفنان أحمد العوضي، وذلك خلال لقائها مع الإعلامية إسعاد يونس ببرنامج "صاحبة السعادة" المذاع على قناة "دي إم سي".
ياسمين عبد العزيز تبكي بسبب انفصالها عن أحمد العوضي
الفنانة ياسمين عبد العزيز، ودخلت الفنانة ياسمين عبد العزيز، في نوبة بكاء ولم تستطع حبس دموعها، بسبب استرجاع ذكرياتها مع الفنان أحمد العوضي، وبعد سؤال إسعاد يونس لها عن سبب الانفصال رغم علاقة الحب الكبيرة التي تجمعهما.

بكاء ياسمين عبد العزيز بسبب انفصالها عن أحمد العوضي، فيتو
هل لا تزال ياسمين عبد العزيز تحب أحمد العوضي؟
حب ياسمين عبد العزيز وأحمد العوضي، وقالت ياسمين عبد العزيز باكية: "أنا عايزة أقول حاجة أنا مش بحب أحمد العوضي لا أنا بعشقه"، لتعقب إسعاد يونس: "وهو كمان بيقول كده عنك".

ياسمين عبد العزيز تبكي على الهواء وتكشف لأول مرة تفاصيل انفصالها عن أحمد العوضي، فيتو
إسعاد يونس تمازح ياسمين عبد العزيز بسبب أحمد العوضي
ياسمين عبد العزيز وأحمد العوضي، وتابعت ياسمين عبد العزيز في تفسير بكائها عن علاقتها بأحمد العوضي: "أنا بقيت رقيقة أوي ومش هنفع بالشكل ده أنا مكنتش رقيقة كده"، لتعقب إسعاد يونس: "بقيتي رقيقة أوي يا ياسمين مش معقولة مش هتنفعي معايا بالطريقة دي، هو الواحد مبقاش رقيق ليه إيه النيلة السودة دي"، لتضحك ياسمين قائلة: "انتي جايباني علشان أعيط وعمالة تضغطي عليا حاجات بتوجعني".

انهيار ياسمين عبد العزيز بسبب حبها لأحمد العوضي، فيتو
ياسمين عبد العزيز تكشف عن حبها لأحمد العوضي
وأكدت: "أنا بحب أحمد العوضي وباعشقه وده حقيقة، أنا معاه لما حبيته اكتشفت إني مكنتش بحب قبل كده وقبل كده مكنش فيه حب وهو أول حب في حياتي، كنت فاكره إن قبل كده كان حب، أحمد العوضي هو الحب الحقيقي".

استخارة ياسمين عبد العزيز قبل انفصالها عن أحمد العوضي
وتابعت: "أنا عن نفسي عملت استخارة وروحت عملت عمرة ودعيت ربنا واللي ربنا هو اللي كان في الانفصال، واللي ربنا عايزه هايكون، ربنا عايز يمشيني في السكة دي أو غيرها أنا راضية حتى لو مش على رغبتي لإن ربنا هو أدرى بحالنا وشايف إن ممكن يكون الانفصال خير".
وأكملت: "أنا عارفة إن أحمد العوضي بيحبني وهو عارف إني أنا بحبه، وبعيدا عن إن فيه سبب من الأسباب له علاقة بالانفصال مينفعش نتكلم فيه بس ملهوش علاقة بالخيانة علشان الناس المؤذية الكتير ميفسروش في الحتة دي اللي هما مبيعملوش حاجة غير أنهم بيأذوني كتير من سنين وأنا مش مسمحاهم، لإن لو خيانة مش هاسكت".

وواصلت: "الجمهور والناس الحقيقية اللي بتحبنا بتحب نكون أنا والعوضي مع بعض، بس فيه ناس بتسخن وتوقع وتحقد قلبها أسود ميقدروش يشوفوا اتنين بيحبوا بعض لإن هما ميعرفوش يعني ايه حب وجواهم كره ومحبوش فيه ناس مؤذية مش عايزانا نكون مع بعض".

ياسمين عبد العزيز تروي قصة فصلها من المدرسة وسر رفضها مصروف زوجها
ياسمين عبد العزيز: اشتريت عربية وشقة وعمري 15 سنة وبصرف على أهلي من صغري
ولفتت: "قعدوا يقولوا إننا شوفنا بعض في السحور وده محصلش خالص، إحنا مشوفناش بعض أساسا، كمية فيديوهات معمولة ليا حرام وكذب ومش عارفة ليه وهيستفيدوا إيه إنهم يوقعوا ما بينا، بس للأسف فيه ناس مصدقة إننا شوفنا بعض ومسلمناش على بعض، بس أنا لو شوفته في أي مكان مش عارفة هاعمل إيه أنا أصلا طول الوقت باهرب، أفتح الفيس بوك ألاقي نفسي أنا وهو حاضنين بعض أفتح التيك توك عاملين لينا فيديوهات يا جماعة ارحموني لإن الحاجات دي بتوجع خاصة إني أنا بحبه".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.