ميار الببلاوي: نجلاء فتحي وإيناس الدغيدي خلوني أعمل مشهد ساخن في رمضان (فيديو)

ميار الببلاوي، قالت الفنانة المعتزلة ميار الببلاوي:"أنا روحت الحرم المكي ودعيت علي المخرجة إيناس الدغيدي بسبب مشاهد فيلم ديسكو، انا مكنتش بحبها ولا عايزة أعملها".

مشاهد فيلم ديسكو
وأضافت خلال لقائها ببرنامج "العرافة" المذاع علي قناة "النهار":"أنا مكنتش عايزة أعمل كل المشاهد اللي عملتها في فيلم ديسكو، لا كنت عايزة ألبس مايوه ولا مشهد عمرو عبد الجليل ولا مشهد شريف منير، والمشاهد دي كلها عملت لي مشاكل وانا الحمد لله اتحجبت ومش عايزة حاجة زي كده تتعرض ولا تجاب سيرتها".



مشهد ساخن لميار الببلاوي

ولفتت:"صورت مشهد ساخن في فيلم ديسكو، لا يصح ولا يليق بشهر رمضان، انا كنت بنت عندها 19 سنة وفرحان انها دخلت التمثيل وبتشتغل قدام نجلاء فتحي وصلاح ذو الفقار ناس عمري ما كنت احلم اشتغل معاهم فكنت مطيعة جدا وحابة الموضوع جدا بس المشهد ده اتخضيت لإني متربية في بيت متدين ومكنتش قادرة اعمله دخلت علشان اعمل المشهد قلت لهم نعمله بعد الفطار قالولي لأ وانا كنت صايمة وكنا بنصور في الديسكو بالنهار والباقي فاطر لإنهم كانوا بيشربوا في صالة الديسكو، وقتها دخلت الحمام وقفلت علي نفسي وايناس الدغيدي اتعصبت وقالت انتي هتقعدين ساعتين لحد بعد الفطار علشان تعملي المشهد احنا عايزين نخلص ونمشي".

ميار الببلاوي تكشف لأول مرة مفاجآت في قضية سجن وفاء مكي (فيديو)
ميار الببلاوي: ياسر جلال مطلعش جدع معايا
بكاء ميار الببلاوي وحيلة نجلاء فتحي
وأكملت:"كنت بعيط علشان معملش المشهد الساخن وقت الصيام، لقيت الفنانة نجلاء فتحي وهي زي السكر وكنت باموت فيها ولو قالت لي ارمي نفسك في البحر كانت هارمي نفسي، قالت لي يلا يا حبيبتي تعالي اعملي المشهد، واقنعتني ان رمضان ده بتاع الفقراء بس واحنا مبناكلش فيه علشان نبقى زي الفقراء وعلشان الفقراء ميحسوش ان احنا بناكل وهما لأ فالموضوع مش محتاج انك ترفضي المشهد ومتخافيش والموضوع هيعدي، وعملت المشهد الساخن في نهار رمضان قبل الإفطار، وانا أهلي صعايدة والدنيا اتطربقت بسبب المشهد، بس انا كنت في بدايتي وده كان من ضمن التنازلات".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.