بيومي فؤاد: بروح السعودية أشتغل وباخد فلوس وهذا سبب حصولي على جنسية دومينكان (فيديو)

بيومي فؤاد، قال الفنان بيومي فؤاد: "إحنا بتوع فلوس وبروح السعودية أشتغل وباخد فلوس، وأنتوا متعرفوش الكوميديان وهو داخل على المسرح بيكون إحساسه إيه لما يقول إفيه وميجيبش".

كواليس فؤاد المهندس
وأضاف خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"شوفتوا الأستاذ الكبير فؤاد المهندس لما الإعلامي مفيد فوزي حب يسأله في حاجة بالكواليس وهو داخل على المسرح بآخر أيامه إتنرفز عليه إزاي، فإحنا نطلع إيه، كم التوتر وضربات القلب السريعة وبطني اللي بتوجعني ده بفلوس طبعا وشغل".


نعمة الفنان المصري
وتابع: "محدش بيشتغل من غير فلوس ونعمة من ربنا إن الفنان المصري محبوب، علشان كده بيحذفوا أول جملة ليا في الفيديو أنا فنان مصري وليا الشرف بيجيبوا من بعدها وجيت السعودية وليا الشرف علشان أقدم فن، وكل اللي زعلان مني فوق دماغي وحقكوا عليا وأجيلكم لحد البيت".
بيومي فؤاد يدخل في نوبة بكاء ويوجه رسالة لمحمد سلام: هي موتة ولا أكتر (فيديو)
بيومي فؤاد باكيا: أنا انتهيت بسبب زعل الناس البسيطة مني (فيديو)
جنسية دولة دومينكان
وعن سبب حصوله على جنسية دولة دومينيكان، علق بيومي فؤاد: "أهاجر فين؟ ده أنا مبقدرش أستحمل أبعد عن مصر 10 أيام، واتقال لي إن الباسبور ده هيدخلك 36 دولة من غير تأشيرات فعملتها أنا وأسرتي، أنا لا باخد جنسية ولا حاجة أنا سعيد بجنسيتي وليا الشرف إني مصري، ومش معايا أي جنسية تانية غير المصرية ولكن معايا إقامات".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.