ليلى عبد اللطيف تبكي علي الهواء وتكشف حقيقة اتصالها بملوك وعشائر الجن (فيديو)

ليلى عبد اللطيف، قالت خبيرة الفلك والأبراج ليلى عبد اللطيف:"أنا بنت لشيخ أزهري وأمي كانت محجبة، وتوفى والدي ودخلت أنا وإخواتي البنات الاتنين في ملجأ من سن 7 سنين، بعد لما تجوزت ماما لأن جدي جوزها لشخص آخر وخلفت منه 7 صبيان".
معاناة ليلى عبد اللطيف
وأضافت خلال لقائها ببرنامج "العرافة" المذاع علي قناة "النهار":"لما دخلت الملجأ أو دار الأيتام وكان عمري 7 سنين وهند 6 سنين وثناء 5 سنين، واتربيت لحالي وخفت لحالي وبردت لحالي وجوعت لحالي واتبهدلت لوحدي".


وتابعت:"انا نمت وأنا طفلة قمت لا لقيت ماما ولا بابا ولا اتربيت مع اخواتي الصبيان، وبقيت انا واخواتي البنات في الملجأ، واللي شوفناه من عذاب في الملجأ محدش شافه".
ولفتت:"طوني خليفة قال لي ممكن تكتبي قصة حياتك قلت له لأ، لأن لو كتبت قصة حياتي هأذي ولادي وعلشان كده عمري ما هكتبها، من العذاب اللي شوفته".

موقف لابنة ليلى عبد اللطيف
وأشارت ليلى عبد اللطيف:"بنتي زينة راحت علي الملجأ وقالت لي يا ماما روحت وفطرت 10 أيتام في رمضان وشوفت واحدة قاعدة علي جنب كانت بتبكي فسألتها ليه بتبكي فردت عليها اتذكرت لما كنتي طفلة كيف كنتي عايشة جوا الدار".
وأكملت:"كل الحنية اللي اتحرمت منها اديتها لفهد وزينة وهما نقطة ضعفي، ربيتهم وعلمتهم، فهد بيتكلم 7 لغات وزينة الحمد لله اتخرجت، تعبت علي ولادي وتعبت من كلام الناس، أمي امرأة صالحة قالت لي انتي ولا الانبياء قلت لها لا الانبياء، قالت لي ربنا سبحانه وتعالى الناس بتجيب سيرته والانبياء اضطهدوهم وعذبوهم وعملوهم سحرة فأنتي مين قدام الانبياء".

بكاء ليلى عبد اللطيف
وتابعت باكية:"عندي ربنا فوق وأمي تحت قبل أولادي رغم انها وضعتنا في ملجأ بس ربنا اللي كاتب كده وربنا أكرمني ووصلت لرؤساء وشيوخ كبار وملوك وامراء وشخصيات كبيرة وقعدت معاهم كمستشارة".
ليلى عبد اللطيف.. سيدة التوقعات المثيرة للجدل.. تنبأت بطلاق ياسمين عبد العزيز والعوضي.. وتتوقع عودة تامر حسني لبسمة وانتهاء علاقة شيرين وحسام حبيب للأبد
ليلى عبد اللطيف تكشف عن توقعات جديدة ل شيرين وتامر حسني ومحمد رمضان (فيديو)
إلهام ليلى عبد اللطيف
وكشفت ليلى عبد اللطيف حقيقة اتصالها بملوك وعشائر الجن ليظهروا لها الغيب، مؤكدة:"انا انسانة مؤمنة واصوم رمضان وأصلي وابويا مصري من الزقازيق وشيخ أزهري وكان عنده الإحساس بحاجات بتحصل بعد كده وده اللي ماما قالت لي عليه، ومن عندي 12 سنة بدأت اتوقع وأول توقع إني جدي هيسافر ومش هنشوفه تاني فأمي قالت لي اسبوع وهيرجع وفعلا جدي توفى في الحج، ولما صارت قصة الجيران وخطيبي واني مش هاتجوز خطيبي فعلا جاله سرطان وتوفى قبل الجواز بعد خطوبة سنتين، شوية شوية كان عندي الإحساس ولا بفهم بالتوقعات ولا التنبؤات ولا بالجن، انا بعيدة وبريئة من التوقعات والاتصال بالجن، وقابلت الشيخ فاروق ومصطفى الرفاعي وكنت عايزة اوصل بالشيخ الشعراوي علشان افهم قصة الإلهام القوي اللي ربنا منحه لي".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار، أسعار اليورو، أسعار العملات، أخبار الرياضة ، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية