ياسمين صبري: "أنا بنت بلد وأفتخر، وعمرك ما تشوفني في حفلة، وأرفض صداقة الرجالة"

ياسمين صبري، كشفت الفنانة ياسمين صبري، حقيقة ارتباطها العاطفي، وموقفها من الزواج، لافتة إلى أنها تعاني من مشكلة خوف بعض الناس من الاقتراب منها أو طلب الزواج منها.
خوف الرجال من الاقتراب من ياسمين صبري
وقالت ياسمين صبري خلال لقائها ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "مش كل الناس تقدر تيجي تكلمني، وبيخافوا ويقولوا إحنا مش قدها هنقدملها إيه، وأول لما يفكر أي شخص كده ثقته في نفسه بتنزل".
شخصية ياسمين صبري والحب
ولفتت ياسمين صبري: "في الحقيقة أنا أتحب فعلا، بس أنا إنسانة واقعية، مش بعرف أمثل على الناس، أنا بنت بلد مش اسبور، عمرك ما هتشوفني في حفلة ولا في الساحل الشمالي، ولكن في الصور بس.. أنا محافظة طبعا، وأفتخر، لإني كل يوم الميزة بتاعت المحافظة بتبقى نادرة وجدتي ست كبيرة ربتني في بيت فيه أصالة وصلاة وعبد الحليم حافظ.. وكنت بشيل الصاج بتاع الكحك وأروح للفرن وكنت باكل الكحك كله، وجدتي ست قوية وذكية، ولها بصمة في حياتي".

حب ياسمين صبري
وتابعت: "أي راجل هييجي هيحبني، إلا لو شيطان اللي هو سيئ للآخر، وجاي يضرني، وأنا معنديش فكرة الانتقام.. أنا مهتمة بنفسي ثم نفسي، لحد لما تيجي حاجة أهتم بيها".
ياسمين صبري: بقيت سفيرة ماركات عالمية ومعنديش طائرة خاصة
ياسمين صبري ضيفة عمرو أديب على MBC مصر الليلة
الصداقة في عيون ياسمين صبري
وأكدت: "معنديش صديق رجل، مفيش إلا صديقتين، صعب أوي يكون ليا صديق رجل لإن ممكن يكون لي مشاعر، وأنا النموذج بتاعي محبش يكون لي صديق رجل لإن الموضوع هيبقى غريب بالنسبة لي، لإن ممكن نتصور صورة وتنتشر والناس تفهم القصة غلط، وأنا بحب أي مأكولات بحرية".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.