محمد صبحي: اتعرض عليا وزارة الثقافة 4 مرات ورفضت (فيديو)

محمد صبحي، بكى الفنان محمد صبحي، علي الهواء، قائلا:"أنا حزين ولا أتسول وبشتغل لوحدي حاسس إني مسجون في زنزانة انفرادي".

حسرة محمد صبحي
وأضاف خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم":"انا ليست لي مشكلة ولا عايز أمثل ولا عايز اشتغل، أنا شغال في حتة لوحدي وعلي جنب والناس هي اللى بتيجي، ولكن انا آسف بدافع عن ريادة بلدي ووطني ومش المفترض أفهم في كل حاجة، واتعرض على وزارة الثقافة 4 مرات وأدنت الدولة في ترشيحي لأني لا اصلح وزيرا للثقافة، فيه غيري احسن مني كان ينفعوا".

محمد صبحي يتسائل: أين وزيرة الثقافة؟
ولفت:"النهاردة وزيرة الثقافة شوف كام سنة واحنا مشوفنهاش ولا طلبت الفنانين تقعد معاهم ولا تخاطبهم علشان تعرف ايه مشاكلهم، احنا خلاص بنعمل دليفري وبنفذ غصب عننا ما يريد اعدائنا ان احنا نغيب ونعمل اعمال تافهمة، هل من مصلحة عدوننا اننا نعمل تعليم عظيم؟ هل من مصلحة عدونا اننا نعمل فن راق يسمو بالوجدان؟ هل عدونا يتمنى لنا النجاح؟ ايه اللى بنعمله ده؟".

بكاء محمد صبحي علي الهواء: عايش في سجن كبير
وبكى محمد صبحي علي الهواء، قائلا:"أنا حزين علي حال بلدي، انا لا اتسول انا بشتغل واكسب وبقول قدام الدولة، ومسرحي بقاله 7 سنين في الصحراء بس الجمهور اللي من حزب الكنبة اللى مبينزلوش الا للفن الراق اللي بيخاطب العقول ومبينزلوش الشارع خوفا علي بلدهم، انا بشتغل لوحدي وحاسس اني في سجن كبير بس مظلوم لإني مسجون في زنزانة انفرادي".
محمد صبحي: لدينا إشكالية بين الثقافة والتكنولوجيا
محمد صبحي: الفنان المحترم من الصعب رؤيته والكاميرا تذهب الآن للتفاهات (فيديو)
رسالة قوية محمد صبحي للمسئولين
وتابع:"يا اخواننا عيب احنا مش صغيرين احنا تعبنا واتعلمنا من اللى احسن مننا واتربينا علي ايد اللى احسن مننا، فيه مشكلة بطالب ان يكون هناك وزيرا للثقافة وللإعلام يحملون خريطة حقيقية وهدف حقيقي عايزين يحققوه".

في وقت سابق، خرج الفنان محمد صبحي، عن صمته بسبب اختفاء أبناء مسلسل يوميات ونيس، وعدم استمرارهم في تقديم الفن الهادف.

أين أبناء يوميات ونيس؟

وقال محمد صبحي خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": "أبناء يوميات ونيس اتعلموا علي تعامل يحافظ علي شرف المهنة، ولما تبقى البروفة الساعة 5 يجوا 4، اتعلموا لما يبقى التصوير الساعة 10 بيجوا الساعة 8 موجودين ومحترمين نفسهم، دلوقتي للأسف المناخ اتغير".

معايير الوسط الفني حاليا

وأضاف محمد صبحي:"تخيل بنت تعمل تريند او تيك توك بتشتغل في 7 مسلسلات وأبناء يوميات ونيس مبيشتغلوش، للأسف المعايير اختلفت، حظ أبناء يوميات ونيس سيئ جدا لأنهم اتوجدوا في زمن غلط".

مشكلة الوسط الفني يكشفها محمد صبحي
وأكد محمد صبحي:"الفنان المحترم الملتزم أصبح من الصعب رؤيته في الوسط الفني حاليا والكاميرا الآن تذهب للتفاهات علشان يبقى تريند والكاميرا مبتروحش للمثل الجيد".

ونقدم لكم من خلال موقع "فيتو"، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار ، أسعار اليورو، أسعار العملات، أخبار الرياضة، أخبار مصر، أخبار اقتصاد ، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي ، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة و السياسة الخارجية والداخلية، بالإضافة للنقل الحصري ل أخبار الفن والعديد من الأنشطة الثقافية والأدبية.