سليمان عيد: كانوا بيسموني العندليب وأنا صغير ومعجبة أحرجتني بالأحضان والقبلات

سليمان عيد، قال الفنان سليمان عيد: "قصيدة فيلم عسكر في المعسكر، بحبك يا كلبة، كل العرسان بيحبوا ينكشوا بعض بيها، وكانت تريند على تويتر من فترة، وليَّ مشهد مؤثر برضو في فيلم جاءنا البيان التالي بتاع باور فاميلي".

رومانسية وغناء سليمان عيد
وأضاف خلال لقائه ببرنامج "كلام الناس" الذي تقدمه الاعلامية ياسمين عز بقناة "إم بي سي مصر": "وأنا صغير كانوا مسمينِّي العندليب علشان رومانسي وكنت بغني في الأفراح لما كنت في الإعدادي والأغاني زي أهو جالك أهو، وكنت بحب بنت الجيران وأسمع ظلموه أعيط ومعظم زمايلي الكوميديانات عندهم الحتة دي بتاعت الرومانسية".

قصة حب سليمان عيد الفاشلة
وتابع سليمان عيد: "جارتي كنت بحبها حب من طرف واحد ومرة بعتلها كلمة بحبك بس كتبتها غلط باحبك، وبعد فترة بعدت وأنا بعدت وانتهت القصة وعرفت إنها أخت واحد صاحبي في الثانوي واتجوزت وحضرت فرحها وقتها كنت بسمع أغنية ظلموه وأعيط".

مشكلة سليمان عيد في الجامعة
وأكمل: "أول حبيتها في الجامعة كنت بدأت اقرع وقتها حبيت واحدة فكنت بجيب الشعر من ورا لقدام علشان متبانش القرعة، وأنا قاعد معاها لقيت الهواء طير شعري وظهرت القرعة، قالت لي يا حرام أنت اقرع ومشيت وسابتني وكإني مريض، بعدها قلت مش هخفي الصلع واللي هيعرفني علشان شعري ما يعرفنيش، الإنسان بشخصيته مش بالصلع".

فكرة زراعة الشعر عند سليمان عيد
ولفت: "في فترة كنت فكرت أزرع شعر راسي بس القرعة كانت بانت أوي، وبعدين لقيت واحد بيقولي الشعرة ب600 دولار فقلت له أجيب منين كل ده بلاش".

زواج سليمان عيد
وأشار: "أنا متجوز من 1993 بقالي 30 سنة، مراتي ست عاقلة ومتفهمة لشغلي والمعجبات بيضحكوا لي وشايفني شخص لطيف ودي حاجة بفرح بيها ومراتي كمان، أنا مش جان يعني، وما حصلش ما بينا أي مشاكل بسبب المعجبات".
مواقف طريفة للعوضي وياسمين عبد العزيز، طلبت الطلاق بسبب "الكبدة النية"، وهاجمت معجبة بسبب الغيرة
راغب علامة يفاجئ معجبة بهذه الطريقة على المسرح (فيديو)
موقف محرج لسليمان عيد من معجبة
ولفت:"تعرضت لموقف محرج على خشبة المسرح لما كنت بعمل مسرحية مرة وأنا خاطب مراتي وقلت إفيهات كتير وفجأة لقيت واحدة دخلت وحضنتني وكان فيه قبلات وأحضان، فقلت لخطيبتي لازم تتقبلي فكرة المعجبات ودي أنا معرفهاش".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.