مش قادرة أخد قرار ... تايهه جوه نفسي

انا عندى 21 سنة كنت بحب شخص بس حب من طرف واحد من كتر حبى ليه كرهته!. بعدها جالى عريس ووافقت عشان انسى الشخص ده .خاطيبى كان طيب اوى وده اللى خلانى اكمل المهم من اول ايام تعارف بينا وهو ابتدى بيعيب عليا!شكلى وهدومى فى اول يوم اتقابلنا!! وكان بيحسسنى انه دايما مش راضى عنى مع العلم ان شكلى حلو..المهم اتطور الموضوع وابتدى ينتقد شخصيتى لم احكى عن حاجة مضيقانى مثلا يقولى انتى ضعيفة انتى بتحبى الزعل وكان بيفضل يحطم فيا ده غير البخل وكبته ليا وكل يوم كنت بعيط وكنت مبينة لاهلى انى سعيدة ومبسوطة سنة كاملة معاه لحد ما جه اليوم اللى فوقت فيه وانهارت وحكيت عن كل حاجة فطبعا اهلى قرروا انى مينفعش اكمل معاه وانا قويت بيهم ووافقتهم…بعد شهر اتعرفت على شخص من النت عنده 26 سنة فيه كل المواصفات اللى بحلم بيها عايش ف السعودية بس هو من مصر حبيته اوووى وهو حبنى اكتر بعد فترة اعترفلى انه متجوز !! بس جوازة كانت غصب عنه عشان الظروف وانا ساعتها قررت انى هكمل معاه وحسيت انه بيحبنى مع العلم اننا مشوفناش بعض غير صور وفيديو وكان ساعات بيحصل تجاوزات ف الكلام والمشاعر بتتحرك. فجاة بقى لقييت خطيبى الاولانى عايز يرجعلى بعد ما حكيت عنه بالوحش ولقيتنى صعب عليا لكن مش حب واتكلمت معاه وعايزة ارجعله!! وسيبت الشاب إللى فى السعودية مع انى بحبه اووى المهم اهلى لم عرفوا انى كلمتوا وكلام رومانسى كمان بهدلونى واستغربوا ازاى اعمل كدة بعد ما سيبته ساعتها لقيت نفسى حاسة انى مش بحبه وغيرت رايى تانى!! وسيبته ! وحاليا انا تايهة جوة نفسى بحب الشاب اللى عايش ف السعودية جدااا .لكن مش بعرف اخد قراراتى صح ومش عارفة مشاعرى دى ايه ! او بتسرع . انا نفسى حد يساعدنى بجد انا مبقتش واثقة فى نفسى وحاسة انى مريضة نفسيا!!!
صديقتنا العزيزة
من كلامك وما ورد في رسالتك ،،، حبك الاول مروراً بأرتباطك وخطبتك … وأخيراً حبك لشخص من خلال الفيس بوك أتضح في النهايه أنه شخص غير مناسب تماماً
تملكني شعور قوي بأنك في الحقيقة لم تحبي أي منهم حب حقيقي … أنتي فقط تبحثين عن الاهتمام والحب بأي وسيلة وبأي طريقة
ترغبين في الارتباط والشعور بالأهتمام والحب من الطرف الاخر … سواء كان هذا الشخص مناسب او غير مناسب .. جاد ….. يحبك فعلا ..!!
أنتي لست مريضه نفسياً …..الحاجة للحب من الحاجات الاساسيه والأوليه التي لا يستطيع اي انسان الحياه بدونها ولكن عليكي أولا اختيار الشخص المناسب
والطريقة الصحيحة للتعبير عن هذا الحب في مساره الطبيعي والسليم حتي لا تخسري نفسك وتفقدي الثقة تماماً فيها
نصيحتي لكي اختي الكريمة أولا أن تكسبي نفسك وتستعيدي الثقة بنفسك أولاً … أهم انواع الحب التي تحتاجينها فعلا ً هي حبك لنفسك
ان تحبي لنفسك كل الخير .. كل ما يجعلها راضية … فرحة … سعيدة … مقبله علي الحياه
انسي الماضي وافتحي لقلبك صفحة جديدة تحبي فيها نفسك اولا وبعد ذلك سيأتي الشخص المناسب لبابك