صاحبة الفستان الأزرق: أنا طالبة ومش متجوزة وهذا ما تعرضت له داخل الجامعة بعد فيديو الرقص (فيديو)

صاحبة الفستان الأزرق، بكت ياسمين صاحبة الفستان الأزرق، على الهواء، قائلة: "أنا مش مسامحة أي حد بيتكلم في حقي كلام مش كويس، وحسبي الله ونعم الوكيل في اللي نزلوا الفيديو والناس اللي استعملته استعمالات غلط واتكلموا في حقي بالباطل وطلعوا عليَّ شائعات".
معاناة صاحبة الفستان الأزرق
وأضافت خلال مداخلة هاتفية ببرنامج "90 دقيقة" المذاع على قناة "المحور": "أنا بقيت مكسوفة أمشي في الشارع ومكتئبة من كتر الكلام والكومنتات السخيفة اللي بتيجي من ناس الله أعلم بيهم هما فعلًا بيعملوا إيه في حياتهم".
صاحبة الفستان الأزرق، فيتو
فرح صاحبة الفستان الأزرق
وتابعت: "أنا بجد مش مسامحة أي حد بيتكلم في عرضي ولا أي حد أساء ليَّ ولأهلي وشكك في تربيتي، وحسبي الله ونعم الوكيل في كل الناس اللى شهَّرت بيَّ، أنا ما عملتش حاجة غلط أنا في فرح صاحبتي وقريبتي ما بعملش غلط الدنيا كلها بتفرح وبترقص، ما عملتش حاجة غلط و90% من اللي كانوا موجودين كانوا ستات وقالوا رايحة تجيب عريس ومش عارفة إيه وكلام زبالة ويوجع وما حدش متخيل الوجع اللي استحملته واللي والدتي استحملته".

فيديوهات خليعة علي تيك توك
وأكملت: "انا فرحانة بصاحبتي وبجد ليه ماسكين فيَّ وسايبين الناس اللي بتسيء على التيك توك والإنستجرام وفيس بوك واللي بيعملوا فيديوهات خليعة، إزاي جايين تهاجموا حد في فرح، والدة العروسة ووالدتي قرايب".

البحث عن بطل تصوير صاحبة الفستان الأزرق
ولفتت: "ما زال البحث جاريًا عن مصور الفيديو واللي قام بنشره وقدمنا بلاغ لمكتب النائب العام، ورميت تكالي على المحامي بتاعي، لسه ما اتعرفناش على اللي عمل الفيديو".
الحكاية الكاملة لصاحبة الفستان الأزرق، رقصها المثير يتسبب في طلاقها، والنشطاء يبحثون عنها: جننت مصر من أول إطلالة
نقيب المأذونين: 50% انخفاضا في حالات الزواج بمصر مقارنة بالعام الماضي
حقيقة زواج صاحبة الفستان الأزرق
وأكدت: "أنا غير متزوجة ولسه طالبة جامعية وما اتخرجتش وطلعوني إني متزوجة واتطلقت، أنا بدرس في كلية الآداب قسم الآثار بجامعة المنصورة، ونزلت الجامعة وامتحنت بس تعرضت لحاجات كتيرة مسيئة جوة الجامعة ودا كان بيخليني أكتر من مرة مش عايزة أكمل امتحاناتي بسبب التنمر".
وتابعت: "والدتي مصدومة بسبب الكلام اللي اتقال عليَّ وأنا ممتنة ليها لوقفتها في ضهري وعمرها ما قصرت وهي بتحاول تخرجني من الأزمة النفسية اللي أنا فيه".

تريند مصر
صاحبة الفستان الأزرق، وتصدرت صاحبة الفستان الأزرق تريند مصر على مواقع التواصل الاجتماعي، وأيضًا شغلت بال المصريين، فتصدرت البحث على مؤشر البحث الأكثر شهرة "جوجل"، وأخذوا يتساءلون في دهشة "من هي صاحبة الفستان الأزرق؟".
حكاية الرقص المثير لصاحبة الفستان الأزرق
حكاية صاحبة الفستان الأزرق بدأت عندما ظهرت سيدة ترتدي فستانًا أزرق، في أحد الأفراح بمركز السنبلاوين بالدقهلية، كان الأمر عاديًا في البداية، فالسيدة دُعيت في حفل زفاف إحدى صديقاتها، لكن مع فرحتها بصديقتها أخذت ترقص بطريقة عفوية، وصلة الرقص كانت طويلة، أظهرت فيها السيدة كل حركات الرقص المثيرة، ما سبب أزمة لها.
لم تنتبه السيدة صاحبة الفستان الأزرق أن كل حركات الرقص المثيرة التي أدتها في فرح صديقتها تم تصويرها من خلال الهواتف المحمولة، والتي تم بثها على موقع التواصل "تيك توك"، لتتصدر السيدة صاحبة الفستان الأزرق تريند مصر على مواقع التواصل الاجتماعي.

رقص صاحبة الفستان الأزرق يثير الانتقاد
أخذ الجميع يتساءل عن صاحبة الفستان الأزرق، التي رقصت بشكل مثير في زفاف صديقتها، أو ياسمين بنت السنبلاوين، التي أثار رقصها الكثير من التعليقات السلبية والانتقادات عند نشطاء مواقع التواصل الاجتماعي.
علق أشرف الجندي قائلًا: "صاحبة الفستان الأزرق ابنة مركز السنبلاوين رقصت... وعملت كل ما تفعله الراقصات وما كانتش تعرف أن فيه تصوير هو فيه فرح من غير تصوير... ياسادة مشكلتنا في القدوة وخاصة بعد أن خلت البيوت من الرجال والأمهات كل واحدة في حال ولا علاقة لهن بأبنائهن... عودوا إلى بيوتكن يرحمكن الله".
وقال أمجد حازم: "السيدة صاحبة الفستان الأزرق هي ياسمين أبنة السنبلاوين، متزوجة ولديها طفل عنده 5 سنوات، وقالت أنها ما كنتش تعرف أنها بتتصور، والفيديو خرب بيتها".

صاحبة الفستان الأزرق تلفت الانتباه برقصها
ورد أشرف الجيندي فقال: "دى واحدة في فرح صحبتها رقصت زي ما كل الناس بترقص احنا اللي بنكبر وبنصغر براحتنا المواضيع عشان الناس تتكلم في أي حاجة بس هو الصح كل حاجة بحساب كان حد من أهلها كفاية مش لازم الأفورة مش لازم تشد الانتباه مش لازم... يعنى الأفراح جاية كتير".
أما غادة عيسى فوجهت رسالة لصاحبة الفستان الأزرق قائلة: "الكل يرقص في الأفراح وبيفرح بس الطريقه اللي بترقص بيها هي اللي غريبه مفيش واحده ممكن تقف في وسط الفرح لوحدها وترقص بالطريقه دي وتعمل الحركات دى".

صاحبة الفستان الأزرق رقصت مجاملة لصديقتها
ورفض الحاج عبدو باشا محمود عبادي الهجوم على صاحبة الفستان الأزرق فقال: "ياما ناس بتعمل الفحشاء في الخفاء أما هذه الفتاة رقصت شأن كل البنات في مجاملة صديقتها ما عملتش جرم على الاقل ما رقصتشي مع رجل لو عاوزه تعمل الغلط ليس لها رقيب إلا الله بنت فرحانة من قلبها وبتفرح صاحبتها لا تخوضوا في أعراض البشر ربنا يفرحها يارب وترقص في يوم زفافها يا رب".
ورد محمد العليمي قائلًا: "هي غلطانه والمجتمع مش بيرحم لكن اللي صور مبروك عليك كمية السيئات".
أما أحمد ممدوح عامر فقال: "دي في قاعه مش في مسجد والقاعه فيها 200 أو300... إزاي مش عارفه أنها بتتصور الستر جميل".
وقال سمير فرج الله: "ما كانش لازم تجامل صحبتها بالرقص ودا مش أي رقص طبعا".

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية.