السيسي: الدولة علشان تصرف كويس عايزه 2 تريليون دولار سنويا ومش هضحك عليكم

قال الرئيس عبد الفتاح السيسي:"الدولة علشان تصرف كويس عايزه 2 تريليون دولار في السنة، معاك المبلغ ده؟ هتعمل استحقاق دستوري ازاي للتعليم؟ مش بتقولوا كده، انتوا عايزين اضحك عليكم كلكم وتقولو استحقاق دستوري للصحة؟".

نفقات التعليم والصحة
وتابع خلال رده على بعض التساؤلات والاستفسارات خلال المؤتمر الوطني للشباب ببرج العرب بالإسكندرية:"هو أنا معايا فلوس للصحة والتعليم، أنا الدولة مش عبد الفتاح، الدولة المصرية معاها أموال ل100 مليون تعملهم تعليم 25 مليون بني اَدم في التعليم الأساسي عايزين اكثر من 500 مليار جنيه تعليم، طيب انت بتديهم كام؟ انا بقول لو 10 آلاف جنيه للطالب يعني، انما الطالب في الدول المحترمة بيحتاج 10 الاف دولار يعني عايز مني 250 مليار دولار اجيب منين؟ مصر تجيب منين؟ ونفس الكلام للصحة، الأرقام المطلوبة مش موجودة يا جماعة، لازم احنا كلنا نبقى موجودين علي أرض الواضع، وقلة الموارد ينتج عنه تردى في كل شيء".


مشكلة القطاع الاداري للدولة
وأوضح السيسي:"ظروف القطاع الإداري للدولة مش وليد النهاردة ده وليد أكتر من 20 سنة فاتت، لو كنت اصبت بمرض خلال 40 سنة عندي حاجة اعمل حركة في لحظة اخلصه ياريت، اللى بيتكلم وعنده حل بقول له تعالى مستشار معايا وكل اللى تطرحه اعمله وابقى واجه الناس وانا والله العظيم هسقفله وهسقف لكل واحد يحل مشكلة في مصر".

طلب السيسي من المصريين
وأكمل:"الكلام حاجة والعمل التنفيذي حاجة تانية خالص وده مش معناه إن احنا صح او عملنا كل حاجة صح كدولة انما هي خطوات بنمشيها لو مطولناش بالنا علي بعض وتفهمنا الواقع ده انت هتطالبني بمطالب مش هقدر البيها لك، انت فاكرني اني متقاعس طيب أنا هتقاس ليه كحكومة او مسئولين؟ عند يعني؟ لأ طبعا مش بنعاند".
نقدم لكم من خلال موقع (فيتو) ، تغطية ورصد مستمر علي مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.