عبير صبري: مفيش ست خطافة رجالة لأن أي علاقة بين اتنين اختيارية (فيديو)

قالت الفنانة عبير صبري:"أشك أن زوجي يخونني لأني بثق فيه جدا ومعندوش أي سبب يخليه يخوني أصلا، ومش هتحصل أن صاحبة عمري تخونني مع زوجي لأني معنديش صاحبة عمري، بس لو حصل هسيبهم هما الاتنين ويبقى يستاهلوا اللي عملوه".

ثقة عبير صبري في زوجها
وتابعت خلال لقائها ببرنامج "حبر سري" الذي تقدمه الإعلامية أسما ابراهيم بقناة "القاهرة والناس":"أنا أشك أن جوزي يعمل حاجة زي كده، أنا عايشة في بلد وجوزي عايش في بلد بس حجم الثقة ما بينا كبير".
تعرض عبير صبري للخيانة
وأضافت عبير صبري:"مفيش ست خطافة رجالة لأن أي علاقة بين اتنين اختيارية، فإذا رجل خان ست بيحبها أو متجوزها وراح لواحدة فهما الاتنين وحشين، وغلط هو خطاف ستات وهي خطافة رجالة، والست اللى تخطف رجالة شيء غلط وعمري ما عملتها ولكن اتعملت فيا زمان ".

في نفس اللقاء، قالت الفنانة عبير صبري:"نسبة التفاهم بيني وبين زوجي عالية جدا ووصلت ل 80% لأننا كل فترة من العشرة بنفهم بعض أكتر وبنستوعب بعض أكتر وبنتجاوز عن أخطاء بعض وبننضج احنا الاتنين مع بعض".

العلاقة بين عبير صبري وزوجها
وأضافت:"في الأول كان زوجي أشقى مني بكتير، هو شقى وأنا هادية ولكن مع الوقت بدأ ياخد شوية من صفاتي ويسمع أكتر ويستوعب أكتر ويطبطب أكتر".

رأي زوج عبير صبري في أدوارها
وتابعت:"الأدوار اللى بشتغلها حرية شخصية ومباخدش إذن جوزي في أدواري ولكن أنا بحكيله وهو بيتحمس لشغلي أكتر مني أحيانا، وفي رمضان اتعرض عليا أكتر من عمل ولكن مكنش عندي طاقة أني أشتغل إلا عمل واحد ولكن هو كان عايزني اشتغل في أعمال كتير".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.