عبير صبري: رفضت المشاهد الجريئة بعد خلع الحجاب (فيديو)

كشفت الفنانة عبير صبري، رأيها في تقديم المشاهد الجريئة، قائلة: "رفضت المشاهد الجريئة والساخنة من بعد خلع الحجاب بفترة، وقررت اختيار العمل الفني الذي يتفق معي، ولكن في السابق لم يكن لدي القدرة علي رفض دور حتى لو كان جريئا".
الفن يعني الجمال والخيال
وأضافت خلال لقائها ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": "الفن يعني الجمال والخيال والإبداع والوقت الجميل اللى ممكن نتفرج فيه على فيلم أو عمل درامي جميل".
يوسف الشريف حر في رأيه
وعن رأيها في رفض الفنان يوسف الشريف التلامس في الأعمال الفنية وبالأخص الأفلام، قالت:"هو حر دي وجهة نظره ومنقدرش نحاكم الناس أو نلومهم علي أفكارهم".
عبير صبري: مبخدش إذن جوزي في أدواري ونسبة التفاهم بينا 80 % (فيديو)
عبير صبري: هناك حملة مدبرة ومقصودة ضد ريهام حجاج (فيديو)

التفاهم مع زوجي
وعن علاقتها بزوجها قالت الفنانة عبير صبري:"نسبة التفاهم بيني وبين زوجي عالية جدا ووصلت ل 80% لأننا كل فترة من العشرة بنفهم بعض أكتر وبنستوعب بعض أكتر وبنتجاوز عن أخطاء بعض وبننضج احنا الاتنين مع بعض".

العلاقة بين عبير صبري وزوجها
وأضافت:"في الأول كان زوجي أشقى مني بكتير، هو شقى وأنا هادية ولكن مع الوقت بدأ ياخد شوية من صفاتي ويسمع أكتر ويستوعب أكتر ويطبطب أكتر".

رأي زوج عبير صبري في أدوارها

وتابعت:"الأدوار اللى بشتغلها حرية شخصية ومباخدش إذن جوزي في أدواري ولكن أنا بحكيله وهو بيتحمس لشغلي أكتر مني أحيانا، وفي رمضان اتعرض عليا أكتر من عمل ولكن مكنش عندي طاقة أني أشتغل إلا عمل واحد ولكن هو كان عايزني اشتغل في أعمال كتير".

اختيار عبير صبري لأدوارها

ولفتت عبير صبري:"أنا مش مستنية جوزي يقولي الدور ده لأ متعملهوش لأني أنا من نفسي خلاص عارفة ايه اللى أحب أعمله واللى معملهوش، أنا مش بختار الدور بناءً على محاظير ولكن بناءً على حلاوته وقوته وتأثيره وعملت زيه ولا معملتش".
دائرة صداقات عبير صبري

وأشارت:"فيه ناس كتير بتتمني طلاقي ومش كل الناس طيبة ولا شريرة ولكن انا مش سهل أعرف قلوب الناس فيها ايه، ممكن حد بيضحك في وشي ويكون حاجة تانية في ضهري، وانا علي العموم دايرة علاقاتي ضيقة جدا وهما 3 صديقات علي جوزي وأهلي ومش بعرض نفسي لناس كتير".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.