يسرا: كنت هموت وأبقى أم بس مينفعش أعاند ربنا (فيديو)

قالت الفنانة يسرا: "النسيان نعمة لأي إنسان في الدنيا لكل الإنسانية ولو ما كانش موجود مش هيبقى فيه تسامح أو تغاضي عن حاجات، ولو مش موجودة حالة الحقد هتسيطر على الشخص".

الحقد المميت في عين يسرا
وتابعت خلال لقائها ببرنامج "أنا والقناع" المذاع على قناة "سي بي سي": "الحقد شيء مميت وقاتل بيقتل صاحبه قبل أي حد تاني".

نعمة النسيان لدى يسرا
وأضافت: "أنا دكتورة كويسة في النسيان، والحزن بيعجز ويشيب وبيكبر، وفيه نوعية حزن بيقوي أما الحزن اللي بيكسر بنساه وبدوس عليه وبعدِّي".
أمنية يسرا التي لم تتحقق
ولفتت: "أنا ما بحبش اليأس وبعمل اللي عليَّ والباقي على ربنا، وجالي فترة كنت هموت وعايزة أبقى أم والنهارده بقول أنا راضية الحمد لله على اللى ربنا كتبه لي، فيه حاجات لازم نرضى بيها وفيه حاجات ممكن نحارب علشانها وفيه حاجات مش لازم نعاند ربنا ولا الحقيقة".

وجوه مزيفة في عيون يسرا
وأشارت يسرا: "كلنا بنعرف نجامل و100 وش ووجوه كتيرة بنستعملها على حسب الظروف اللي بنكون فيها أو الوضع اللي بنكون فيه ولكن الوجه الحقيقي اللي محدش بيشوفه غيرنا، وفيه لحظات حقيقية بتطلع وجهنا الحقيقي، وزمان كنت بتكسف أكتر وبعمل حسابات معينة النهارده لأ، بسبب الثقة والخبرة".
يسرا: بخاف المرض أكتر من الموت ولما هعتزل مش هعرف حد (فيديو)
يسرا: مقدرش أتبرى من أبويا بس أمي أختارت غلط (فيديو)
وقالت الفنانة يسرا: "أنا يوم ما هعتزل التمثيل عمري ما هقول لحد إني اعتزلت، ولما هبطل أشتغل مش هقول لحد حاجة لإني مش هبقى لاقية الحاجة اللي أنا هطلع فيها بقيمتي".

موقف يسرا من الاعتزال
وتابعت خلال لقائها ببرنامج "أنا والقناع" المذاع على قناة "الحياة": "لو اعتزلت ممكن أعمل مشروع بس أنا عمري ما فكرت إني لما أعتزل هطلع الصبح أعلن الاعتزال".

خوف يسرا من المرض
وأضافت: "الطمع في النجومية للشخص اللي جعان نجومية، وأنا بخاف من المرض أكتر من الموت والاتنين علينا حق، لكن المرض إحساسنا بيه واحنا تعبانين ومش عارفين إذا كنا هنقوم منه ولا لأ إحساس صعب".

صورة يسرا الجميلة
وأكملت: "أكره أشوف نفسي ضعيفة، وصعب أشوف صورتي الحلوة اتخلت عني وكل الناس تحب تشوف صورتها الحلوة مكملة، ومن أصعب اللحظات لما نفقد شخص عزيز لأنه بياخد حتة من قلبي ويروح بيها وربنا ما يكتبها على حد أبدًا".

حزن يسرا على رحيل هشام سليم
ولفتت يسرا: "دفنت كتير، وهشام سليم كان راضي بالمرض والموت وكل حاجة إلى أقصى درجة وخاصة في آخر سنتين وحزني عليه أنا وخالد لا ينتهي، وكل واحد فينا حقه يضعف ويحزن ويفضي اللي جواه".

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.