سهير رمزي: أفكر في الموت مع كل عيد ميلاد ليا

قالت الفنانة سهير رمزي:"عيد ميلادي بقى تقيل على قلبي من وقت وفاة أمي وفي نفس الوقت بزعل علشان فيه سنة راحت من عمري".

تفكير سهير رمزي في الموت
وتابعت خلال مداخلة هاتفية ببرنامج "الستات" الذي تقدمه الإعلامية سهير جودة بقناة "النهار":"في كل عيد ميلاد ليا بقعد أحاسب نفسي وأشوف مين اللى زعلته وأفكر في الموت وإذا كنت هاعيش السنة الجاية ولا لأ".

مسلسل سهير رمزي الجديد
وأضافت:"الحمد لله السنة دي أخوض السباق الرمضاني بمسلسل أم البنات، شخصية جديدة على وغيرت في شكلي ولبس وادائي واتمنى الناس تحبني في العمل الجديد".

حب ولا مصلحة؟ سهير رمزي تعلق على زواجها من حلمي بكر (فيديو)
سهير رمزي تكشف عن أسباب عدم الإنجاب رغم الزواج أكثر من مرة (فيديو)

في تصريحات سابقة، قالت الفنانة سهير رمزي: "ندمت على عدم الإنجاب رغم إني اتجوزت أكتر من مرة، ودلوقتِ لما كبرت في السن زعلانة إني ما جبتش حد يبقى جنبي".

حزن سهير رمزي علي عدم الإنجاب
وتابعت خلال الجزء الثاني من لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "زعلانة إني ما جِبتش الإنسان اللي يقف في جنبي لما أكبر في السن وجيلنا كلنا كنا خايفين نخلف عيال علشان النجومية وجسمنا يبوظ ".
الفنانة سهير رمزي، فيتو
تفكير سهير رمزي حال أنجبت طفلًا
وأضافت: "لو كنت أنجبت طفل وأنا بشتغل ما كنتش هخرج برا البيت ولا هشوف حد في حياتي وهو هيبقى كل حاجة في حياتي، فكانت أنانية مني إني حبيت سهير رمزي أكتر من إنها يكون لها طفل في حياتها".

تبني سهير رمزي الأطفال
ولفتت: "فكرت أتبنى طفل يتيم بس مش يعيش معايا علشان المسؤولية ولكن أتبناه من بعيد".

وقالت الفنانة سهير رمزي في الجزء الأول من نفس اللقاء: "لو رجع بيَّ الزمن للوراء هرفض تقديم المشاهد الجريئة إنما وقتها كنت بعملها وأنا مقتنعة بيها".


مشكلة السوشيال ميديا
سهير رمزي، وأضافت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "السوشيال ميديا هي السبب وراء الهجوم على الفن ووضع قيود على الأعمال الفنية إنما زمان ما كانش فيه الكلام دا احنا زمان كنا بننزل ونسوق عربياتنا ولابسين مفتوح ومفيش حد بيتكلم ولا فيه أي مشكلات ولا تحرش".
قبلات ومشاهد سهير رمزي الجريئة
سهير رمزي، وتابعت: "بيضايقني لما أعمل سيرش على اسمي ويطلع قبلات سهير رمزي ومشاهد جريئة لسهير رمزي، وبتستفيد إيه لما تقول كده، وبعدين ده موضوع الفيلم ولكن أنا كنت جريئة في بعض المشاهد إنما في سياق الموضوع وده كل البنات كانت بتعمله".

هل ترغب سهير رمزي مسح مشاهدها الجريئة؟
سهير رمزي، وأكدت: "لو بإيدي القدرة المادية مش همسح مشاهدي مع يوتيوب لإنه تاريخ وأنا عملته وملزمة بيه، فيه بعض الأفلام الهايفة اللي مش حابة تتعرض لإني كنت وقتها عايزة أعمل اسم وانتشار، وفيه فيلم معين نفسي أمحيه مع علي الميديا".

وفجرت الفنانة سهير رمزي مفاجأة حول أنها كادت تتسبب في إصابة والدتها بالتسمم عن طريق الخطأ، بعدما أعطتها مادة كيماوية بدلًا من الدواء.

خطأ سهير رمزي مع والدتها
وأضافت سهير رمزي: "كنت هسمم أمي بالغلط وكانت حكاية غريبة، أنا كنت بحب أمي بجنون ومن وقت وفاتها قبل 20 سنة لحد اللحظة اللي أنا فيها بحس إني ضايعة من غيرها وهي كانت بالنسبة لي كل حاجة في حياتي".

مرض والدة سهير رمزي
وأضافت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "أمي جت تعبت في يوم وقالت لي تعبانة وعندي مغص فأنا كان عندي دواء الدكتور كان كاتبه لي يريح المعدة ودخلت جري وأخدت إزازة من الحمام وحطيت لها معلقة فشربت معلقة من زجاجة منظفات بها مادة سامة محطوطة جنب زجاجة الدواء اللي المفترض كنت أديلها منها".

إنقاذ سهير رمزي والدتها من المادة السامة
وتابعت: "لما عرفت إني اديت لها المادة السامة ندهت للناس اللي كانوا بيساعدوني في البيت وقلت لهم انزلوا للصيدلية اللي تحت وعرفوا الصيدلي اللي حصل فجابوا لي شربة ملح لازم تشربها علشان تخف ونزيل آثار المادة السامة".

موقف صعب لسهير رمزي مع والدتها
وأكملت سهير رمزي: "دخلت أعطي لأمي شربة الملح قالت لي ده مريحني جدًّا المهم قلت لها لازم تاخدي ده، وبعدين اديتهولها في الآخر وشربته ورجعت فقالت لي كنتِ هتموتيني بالسم، وكان يوم مش ممكن وبقيت أقول يا نهار أسود لو كان جرى لها حاجة كنت هروح فيها".

حياة سهير رمزي بعد وفاة والدتها
وتابعت: "أنا مفتقدة الفرحة والضحكة وطعم الأكل والحياة واللبس والقعدة الحلوة بعد وفاة أمي".

سبب رفض سهير رمزي استلام ميراث والدها
وعن سبب رفضها تسلم ميراث والدها، أوضحت سهير رمزي:"أنا بحب آخد الحاجة اللي من حقي شرع ربنا بس أنا وقتها ما كنتش محتاجة وما كنتش عايشة معاه خالص ولا أعرفه ولا يعرفني ولا شفته خالص، إخواتي أحق بالميراث ولما اتنازلت اتنازلت لإخواتي علشان هو اللى مربيهم وقاعدين معاه، واتنازلت لأصغر أخت ليَّ كمساعدة ليها في تجهيزها الخاص بالزاوج، أنا شوفت أبويا مرة واحدة وأنا عندي 13سنة وقتها حضنني وباسني بس اللي كان مربيني المخرج سيد زيادة وكنت بحس إنه قرب لي من أبويا والعشرة والتربية مهمة جدًّا، ولكن ريحة الصوف بتاعت أبويا لسه لحد دلوقتِ في مناخيري".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.