هوج بول، لاتزال أصداء مستريح الإنترنت، أو منصة هوج بول الوهمية، تلقي بظلالها على نشطاء مواقع التواصل الاجتماعي، وخاصة بعد أن ظهرت حكايات جديدة لمتضرري المنصة، الذين وضعوا أموال طائلة فيها، لتضيع عليهم مليارات الجنيهات. حكايات صادمة لمتضرري هوج بول متضرري هوج بول، أخذا في سرد حكايات استغلال المنصة لهم، فقام بعضهم بالاقتراض وبيع كل ما أمكنه التحصل عليه، طمعًا في المكسب السريع، والمردود المالي الضخم، لكنهم فوجئوا بإغلاق المنصة وضياع أموالهم، ومعها أحلامهم. قامت إحدى المتضررات من منصة هوج بول بسرد حكايتها المؤلمة مع المنصة، وظهرت في حالة صدمة شديدة، قائلة "أنا اتنصب عليا"، لتؤكد الفتاة أن إحدى صديقاتها عرضت عليها أن تضع مبلغ صغير لا يتعدى 200 جنيه في المنصة ليأتي لها بعائد الضعف، في البداية رفضت، لكنها استجابت بعد ذلك بسبب حاجتها. إغلاق أبليكيشن هوج بول، فيتو استطردت الفتاة في سرد حكايتها المؤلمة مع منصة "هوج بول"، لتقول إنها طمعت في العائد المغري لمردود الأموال من عوائد المنصة، حيث أكدت لها المنصة أنها إذا دفعت 20 ألف جنيه سيكون العائد 60 ألف جنيه، وهنا كانت الصدمة. بكاء ونحيب وصدمات من مستريح الانترنت قامت الفتاة ببيع هاتف شقيقها الجديد، وقدمت على قرض وحصلت عليه، وأقنعت البعض بمشاركتها وستعطيهم عائد على ذلك، لتأتي الصدمة، حيث تم إغلاق منصة هوج بول، وضاعت أموال الفتاة والقرض الذي حصلت عليه، وأخذت الفتاة تبكي من الصدمة والحسرة فمن أين ستأتي بالأموال لسداد القرض، ورد أموال أقاربها؟!. وفور معرفة نشطاء مواقع التواصل الاجتماعي بإغلاق منصة هوج بول، وضياع أموال مودعيها، بدأت الحكايات المؤثرة تنهال على مواقع التواصل الاجتماعي عن مستريح الإنترنت الجديد أن منصة "هوج بول"، التي استولت على 6 مليار جنيه من مودعيها. رسائل منصة هوج بول لصيد فرائسها حكت شيماء المصري عن تجربتها مع منصة هوج بول فقالت "hoggpool. فعلا وصلني من كذا حد اني اشارك وطبعا انا شوفت ضحايا الرمال البيضاء قبل كده فطبعا استحالة اشارك في حاجة زى كده بس شوفو أد ايه كانو متأكدين من المنصه وداخلين بقلب جامد وناس باعت بيوت واخدو قروض عشان بعد يومين ياخدو الألف خمسة وطبعا كله فنكوش، والموقع اخد فلوسهم وطار واحتمال ميكونش في مصر اصلا .. هيتجمعو ويروحو النيابة ربنا معاهم ويقدرو يرجعو فلوسهم #هوج_بول كمان بعتلى كلام على لسان شيخ ان ده حلال وطبعا ده من الحاجات اللى كانو بيقنعو بيها الناس طبعا ميدخلش عليا الكلام ده وعرفت انه نصب الحمدلله". رصيد إيداع لمنصة هوج بول، فيتو أما سامي النجاري فقال: "#هوج_بول طلع مستريح وريح كتير اينعم انت خسرت فلوس كتير في هوج بول، بس متنساش انك شاركتهم في السرقة وعملتلهم اعلانات ومش بس كده، انت اقنعت الناس بدخولها.. وهاجمت اي حد بيحذر منها #رزقك محدش ياخده غيرك ربنا يعوض عليكم". صورة لرصيد إيداع بالمنصة، فيتو استولت علي مليارات المصريين في حين علق عبده الشناوي قائلًا: "#هوج بول 150 ألف تحميل علي جوجل بلاي وأكثر من 600 الف مستخدم علي جوجل وسفاري هنفترض ان من ال 750 ألف دول 150 الف واحد اشترك بس ودفع 50 الف اخدو المكنة ام 200 جنيه، 50 الف اخدو ام 1600 جنيه، 50 ألف اخدو الصندوق ابو 4000 جنيه، يعني الاجمالي 290 مليون جنيه، هنقول طلعوا منهم إعلانات وفلوس للمشتركين وعلشان المصداقيه بتاعتهم تزيد حوالي 100 مليون جنيه مثلا هيتبقى 190 مليون جنيه، متستغربش من الارقام دي احنا 120 مليون مصري، ودي فكره شخص واحد بس قعد شرب سيجارة وواحد قهوة وقال انا هبقي غني، يعوض عليكم ربنا". ورد عبد الرحمن جاد فقال: "مستريح الإنترنت، منصة هوج بول تستولى على 6 مليارات جنيه من مصريين أنهالت صيحات الاستغاثة خلال الساعات الماضية، على مواقع التواصل الاجتماعى من ضحايا منصة هوج بول، بعد غلق التطبيق وتبخر مبالغ تقدر قيمتها ب 6 مليارات جنيه." هوج بول أوهمت المصريين بالدولارات وتابع عبد الرحمن جاد: "هوج بول منصة رقمية أوهمت آلاف المصريين بالحصول على أرباح بالدولار من خلال أحد التطبيقات، وأعلنت عن أرقام خيالية تداعب أحلام البسطاء، بعرض مكسب يومى قيمته أربعة دولارات مقابل إيداع مبلغ ألف جنيه. غلق منصة هوج بول بعد الاستيلاء على الأموال خلال الفترة الماضية كانت منصة أو تطبيق هوج بول، حديث العامة والخاصة للتسابق على الاشتراك والحصول على الأموال دون عناء، ومع الساعات الماضية انطلقت صرخات الاستغاثة في أغلب محافظات مصر عقب غلق التطبيق وضياع تعاملات مالية تقدر ب 6 مليارات جنيه". وسأل مصطفى النجار: "طيب احنا نعمل ايه عشان نعرف ناخد اجراء قانوني". وقال مصطفى كنش "طيب معلش هو في حل المصيبة دي يعني ممكن الفلوس ترجع". حكايات صادمة وضياع الأموال وعن تجربته مع هوج بول قال حسن البطيش: "والله كنت داخل لسه جديد فى المنصة وأول ما دخلت دخلت ب 5500 جنيه مختش منهم ربع جنيه" وعلق سيد سي دا قائلًا: "حسبى الله ونعم الوكيل الاحتياج هو السبب الرئيسي في أن الشخص يتنصب عليه". أما أمل أحمد فقالت: "حسبي الله ونعم الوكيل انا خسرت 50 الف انا واخويا". وقال يوسف محمد:" منكم لله راح مني 56000". وعن تجربتها مع هوج بول قالت ياسمين محمد: "حسبي الله ونعم الوكيل كنت مستلفه 8000 جنيه دخلت بيهم والمفروض ان كنت هسددهم يوم 5 بالكتير ولا عارفه اتصرف ازاي حاسه ان قلبي هيقف وهيجرالي حاجه". وقال كريم حاتم: "حسبي الله ونعم الوكيل.. منصوب عليا في 11 ألف". أما شادي شطا فعلق قائلًا: " النصاب فى خير طول ما الطماع موجود.. لا سألو نفسهم حلال ولا حرام ولا شغلو مخهم ازاى هيديهم الفلوس دى... كان نفع نفسه بقى تديله 20 ألف يديلك 60 ألف؟!! طب هيعوز منك اصلا ليه فلوس ما الراجل بيكسب والعيشة نعيم ربنا معاكم ويتولاكم ياما حذرت من مخططات بونزى الهرمية وتلبيس طاقية احمد للحاج احمد وبعدين نقفل". ورد محمد خالد قائلًا: "أخر فترة انتشر ابلكيشن اسمه hoggpool بيقنع الناس انه بيكسب فلوس والشغل دا عن طريق تعدين العملات وانك تحط فلوسك وهتكسب اضعافها وانت في بيتك مستريح زي ما حصل من سنين فاتت في موقع white sand وغيرهم من مواقع بتضحك علي الناس.. المهم هوج بول دا انتشر في مصر والناس للاسف صدقت وحطوا فلوسهم فيه والموقع قفل النهارده ومحدش يعرف عنه اي حاجه وبعض المواقع منزله ان المبلغ اللي دخل للموقع 6 مليار جنيه تقريبا.. الواحد مش عارف يضحك ولا يزعل علي عقول الناس اللي بترمي فلوسها في حاجه مش عارفه مصدرها ايه ولا بيتعاملوا مع مين حتي لو تم القبض علي المتسبب في الموضوع فلوسهم مش هترجع ليهم اساسا". وعن تجربته قال سيف لاشين: " الفكرة أن صحبي لسه حاطط فيه مبلغ كبير من كام يوم ودخل بتاع كذا واحد معاه وفضلت أقوله حرام يقولي آخر شهر فضلت اقنع فيه والله اكتر من 5 مرات مسمعش الكلام". مستريح الإنترنت، منصة هوج بول تستولى على 6 مليارات جنيه من مصريين النطق بالحكم في نقض مستريح الأدوات الصحية بالفجالة على حبسه 14 مارس وقال عاطف هتلر عن تجربته مع هوج بول: " في رقم من فترة كلمني علي الواتس وبعتلي لينك موقع وكدا كسبت منه 58 جنيه وقالي حط 100 وهتسحب 258 جنيه حطيت ال100 فعلا سحبت ال258 قالي حط 250 وهتكسب 500 حطيت وفعلا والله سحبت ال500 بعدين قالي حط ال500 وهتكسب 1000 فهمت انه نصب فواحد صحبي عمل الحوار وحذرته منه مسمعش الكلام اتضحك عليه في 29 ألف جنيه". ونقدم لكم من خلال موقع (فيتو)، تغطية ورصدا مستمرا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
